नंदुरबार | शिवसेनेचे प्रवक्ते आणि खासदार संजय राऊत सध्या खानदेश दौर्यावर आहेत. आगामी जिल्हा परिषद आणि लोकसभा-विधानसभा निवडणुकीच्या पक्षबांधणीसाठी राऊत यांनी या दौर्याचे आयोजन केले आहे. यावेळी नंदूरबार येथे पत्रकार परिषदेत बोलताना सेना-भाजपा युतीवरही भाष्य केले. आगामी लोकसभा राज्यसभा निवडणुकांमधे शिवसेनेची स्वतंत्रपणे उतरण्याची तयारी सुरू असल्‍याचे राऊत यांनी यावेळी सांगितले.
‘भाजपाने २०१४ मध्ये शिवसेनेसोबतची युती तोडली. तेव्हा दानवेंना निवडणुकासोबत लढवण्याचा सु-विचार का सुचला नाही. आता २०१४ पासून पुलाखालुन बरेच पाणी वाहुन गेले आहे. म्‍हणून आमच्या पक्षाने स्वतंत्र निवडणुका लढवण्याचा निर्णय घेतला आहे’.असे राऊत यांनी यावेळी सांगीतले.
तसेच येत्या काळात नंदुरबार जिल्ह्यात पक्ष संघटन मजबूत दिसेल, असा विश्‍वासही राऊत यांनी यावेळी व्‍यक्‍त केला.