हॅलो महाराष्ट्र ऑनलाइन | तुम्ही कुठेही गेला तरी तुमची ओळख ही शिवसैनिकच आहे. हा नारायण राणे…हा अमुक तमुक अस कोणी म्हणत नाही. असे म्हणत शिवसेना खासदार संजय राऊत यांनी केंद्रीय मंत्री नारायण राणे यांना टोला लगावला. ते अहमदनगर येथे बोलत होते.
संजय राऊत म्हणाले, आमदार आणि खासदार माजी होतो. पण शिवसैनिक कधीच माजी होत नाही, शिवसैनिक हेच पद पक्षातील सर्वश्रेष्ठ पद आहे असं संजय राऊत म्हणाले. तुम्ही कुठेही गेला तरी तुमची ओळख ही शिवसैनिकच आहे. हा नारायण राणे…हा अमुक तमुक अस कोणी म्हणत नाही अस म्हणत राऊतांनी राणेंवर निशाणा साधला.
जे लोक शिवसेना सोडून गेले ते कुठेही गेले तरी मनाने शिवसैनिक म्हणूनच राहतात. हीच बाळासाहेबांची ताकद आहे, हीच शिवसैनिकाची ताकद आहे .संसदेत अनेक खासदार येतात. बऱ्याच खासदारांना कोणी ओळखतही नाहीत. पण शिवसेनेच्या खासदारांना ओळखले जाते. असं संजय राऊत यांनी म्हंटल.