हॅलो महाराष्ट्र ऑनलाईन। (Side Effects Of Eating Rice) आपल्या रोजच्या जेवणाच्या ताटात भाजी, पोळी, डाळ आणि भात हे पदार्थ तर १००% असतात. यानुसार समजते की, भात हा आपल्या दैनंदिन आहाराचा एक मुख्य भाग आहे. भात खाणे नक्कीच आपल्या आरोग्यसाठ चांगले आहे. पण तो कधी खायचा याचे काही नियम आहेत. ते पाळणे गरजेचे आहे. बरेच लोक जेवणाच्या दोन्ही वेळेत भाताचे सेवन करतात. पण तज्ञ सांगतात की, आहारात भात घ्यायचा असेल तर तो केवळ सकाळच्या जेवणात घ्यावा. रात्रीच्या जेवणात भाताचा समावेश केल्यास आरोग्यविषयक काही तक्रारी जाणवू शकतात. त्याविषयी आज आपण जाणून घेणार आहोत.
पचनक्रियेशी संबंधित समस्या
भात अर्थात तांदूळ पचायला जड असतो. (Side Effects Of Eating Rice) त्यामुळे जर रात्रीच्या जेवणात भाताचा समावेश केला तर पचनसंस्थेवर त्याचा भार येतो. मुख्य म्हणजे रात्रीच्या वेळी पचनक्रिया मंदावलेली असते. अशावेळी जर त्यावर ताण आला तर साहजिक आहे पचनक्रियेशी संबंधित विविध समस्या जाणवू शकतात. यामध्ये बद्धकोष्ठता, ॲसिडिटी आणि इतर काही समस्यांचा समावेश आहे.
संधिवाताचा त्रास (Side Effects Of Eating Rice)
तज्ञ सांगतात की, सांधेदुखीने त्रस्त असणाऱ्या लोकांनी आपल्या आहारात रात्रीच्या वेळी चुकूनही भात खाऊ नये. तांदळातील काही घटक अशा रुग्णांच्या आरोग्यासाठी हानिकारक ठरू शकतात. रात्रीच्या वेळी भात खाल्ल्याने शरीरात जळजळ वाढू शकते आणि यामुळे सांधेदुखीचा त्रास वाढू शकतो.
मधुमेहींसाठी हानिकारक
बऱ्याच लोकांना जेवणात भात नसेल तर जेवल्यासारखं वाटत नाही. पण, असे असले तरीही काही सवयी आरोग्याची वाट लावू शकतात. खास करून मधुमेहींनी रात्रीच्या जेवणात भात खाणे हानिकारक ठरू शकते. (Side Effects Of Eating Rice) कारण, तांदळात उच्च ग्लायसेमिक इंडेक्स असतो. जो रक्तातील साखरेची पातळी वेगाने वाढवतो. ज्यामुळे मधुमेहींच्या आरोग्याचे मोठे नुकसान होऊ शकते.
अनिद्रेचा त्रास
रात्रीच्या जेवणात भात खाल्ल्यास शरीरात ट्रिप्टोफॅनचे प्रमाण वाढू शकते. यामुळे खरतर चांगली झोप लागते. पण काही लोकांमध्ये या उलट पहायला मिळते. रात्री भात खाल्ल्यामुळे पचनक्रियेवर ताण येतो आणि त्यामुळे झोप लागत नाही. (Side Effects Of Eating Rice) अशा लोकांनी किंवा ज्यांना आधीपासूनच झोपेची समस्या आहे त्यांनी रात्री भात खाणे टाळा.
लठ्ठपणाचा धोका
रात्रीच्या जेवणात भात खाल्ल्याने वेगाने वजन वाढू शकते. त्यामुळे येणार लठ्ठपणा कमी करणे फार अवघड होऊ शकते. कारण, तांदळात कार्बोहायड्रेट्सचे प्रमाण जास्त असते. जे शरीरात चरबीच्या रूपात साठवले जाते. परिणामी वेगाने वजन वाढते. त्यामुळे रात्रीच्या जेवणात शक्यतो भात टाळण्याचा सल्ला दिला जातो.
रात्रीच्या जेवणात काय खाता येईल?
रात्रीच्या जेवणात तुम्ही भाताला पर्याय म्हणून काही पदार्थांचा आहारात समावेश करू शकता. (Side Effects Of Eating Rice) यामध्ये संपूर्ण धान्य, ओट्स, क्विनोआ किंवा इतर हलके तसेच पौष्टिक पदार्थ यांचा समावेश करता येईल.