हॅलो महाराष्ट्र ऑनलाईन| पुणे शहरात कोणत्या ना कोणत्या कारणावरून चर्चा असते. पुण्यातील म्हणी आणि पुण्यातील माणसं आपल्या अनोख्या कृतीमुळे तर सोशल मीडियावर (Social Media) सतत चर्चेत असतात. आता देखील पुण्यातीलच एक ऑटो रिक्षावाला (Auto Riksha) सोशल मीडियावर चर्चेत आला आहे. या ऑटो चालकाने आपल्या रिक्षावर असे एक वाक्य लिहिले आहे ज्यामुळे त्याचे सर्वत्र कौतुक केले जात आहे. या एका कृतीतून पुणेकरांचे माणुसकी ही दिसून येत आहे.
दररोज सोशल मीडियावर अनेक फोटो व्हिडिओ व्हायरल होत असतात. असाच एक फोटो देखील सोशल मीडियावर प्रचंड व्हायरल झाला आहे. हा फोटो अमित परांजपे यांनी आपल्या एक्स अकाउंटवरून शेअर केलेल्या फोटोत ऑटो रिक्षाच्या मागच्या बाजूला “अंध, अपंग आणि गरोदर महिलांसाठी २ किलोमीटरपर्यंत मोफत प्रवास” असा संदेश लिहला आहे. हा संदेश त्याच रिक्षाचालकाने आपला रिक्षावर आहे. त्यामुळे या रिक्षा चालकाचे कौतुक केले जात आहे.
दरम्यान, सोशल मीडियावर हा फोटो सर्वत्र व्हायरल होत आहे. सांगितले जात आहे की हा रिक्षावाला पुण्यातील औंध परिसरातील आहे. त्यामुळे पुणेकर माणुसकीच्या बाबतीत कुठे आहे मागे पडत नाहीत? अशा कमेंट्स या फोटोवर येत आहेत. तसेच अनेकांनी या रिक्षा चालकाला भेटण्याची इच्छा ही व्यक्त केली आहे.