हॅलो महाराष्ट्र ऑनलाईन |राज्यामध्ये महायुतीचे सरकार आल्यापासून अनेक वेगवेगळ्या नियम बदलताना आपल्याला दिसत आहे. अशातच आज राज्य मंत्रिमंडळाची बैठक पार पडलेली आहे. मुख्यमंत्री एकनाथ शिंदे यांच्या अध्यक्षतेखाली ही बैठक पार पडली. आणि बैठकीमध्ये राज्याच्या हिताचे अनेक महत्त्वपूर्ण निर्णय घेण्यात आलेले आहे. यातील सगळ्यात महत्त्वाचा निर्णय म्हणजे आता सगळ्या सरपंच आणि उपसरपंच यांच्या मानधनात दुपटीने वाढ करण्यात आलेली आहे. तसेच या बैठकीत घेतलेला एक सगळ्यात मोठा निर्णय म्हणजे राज्यातील 14 शासकीय औद्योगिक प्रशिक्षण संस्था म्हणजेच आयटीआयचे नाव बदलण्याचा देखील निर्णय घेतलेला आहे. या महाविद्यालयांना महापुरुषांचे आणि जिल्ह्यात योगदान दिलेल्या व्यक्तींचे नाव देण्याचा निर्णय आज या मंत्रिमंडळाच्या बैठकीमध्ये घेण्यात आलेला आहे.
शासन या 14 आयटीआय कॉलेजला 14 महान व्यक्तींची नावे देण्यात येणार आहेत, असे सांगितलेले आहे. यामध्ये त्यांनी ठाणे जिल्ह्यातील आयटीआयला धर्मवीर आनंद दिघे यांचे नाव दिलेले आहे. तर बीडमध्ये आयटीआयला दिवंगत नेते विनायक मेटे यांचे नाव देण्यात आलेले आहे.
आज मंत्रालयात पार पडलेल्या या बैठकीमध्ये घेण्यात आलेला हा एक मोठा निर्णय आहे. राज्यातील 14 आयटीआयचे नामांतर करण्यात येणार आहे. कौशल्य विकास मंत्री मंगल प्रभात लोढा यांच्या खात्याने हा निर्णय घेतला आहे. आयटीआय कॉलेजला नाव देताना त्यांनी आज सामाजिक आणि जातीय गोष्टींचा विचार केलेला आहे. आणि त्यानुसार हे नाव दिलेले आहे. त्यांनी डॉक्टर बाबासाहेब आंबेडकर शिकलेल्या एलफिंटन्स महाविद्यालयातील आयटीआयला डॉक्टर बाबासाहेबांचे नाव दिलेले आहे. तसेच कोल्हापूरच्या आयटीआय राजश्री शाहू महाराजांचे नाव दिलेले आहे. तसेच बीडच्या आयटीआयला विनायक मेटेंचे नाव दिलेले आहे.
कोणत्या आयटीआयला कोणाचं नाव दिलं ?
- औद्योगिक प्रशिक्षण संस्था, ठाणे – धर्मवीर आनंद दिघे औद्योगिक प्रशिक्षण संस्था
- औद्योगिक प्रशिक्षण संस्था, भूम, जि. धाराशिव – आचार्य विदयासागरजी औद्योगिक प्रशिक्षण संस्था, भूम, जि. धाराशिव.
- शासकीय औद्योगिक प्रशिक्षण संस्था, मुंबई – भारतरत्न डॉ. बाबासाहेब आंबेडकर शासकीय औद्योगिक प्रशिक्षण संस्था
- शासकीय औद्योगिक प्रशिक्षण संस्था, जामखेड, जि. अहमदनगर – पुण्यश्लोक अहिल्यादेवी होळकर शासकीय औद्योगिक प्रशिक्षण संस्था
- शासकीय औद्योगिक प्रशिक्षण संस्था, बीड – कै. विनायकराव मेटे शासकीय औद्योगिक प्रशिक्षण संस्था
- औद्योगिक प्रशिक्षण संस्था, जव्हार, जि. पालघर. – भगवान बिरसा मुंडा औद्योगिक प्रशिक्षण संस्था
- औद्योगिक प्रशिक्षण संस्था, येवला, जि.नाशिक – पालघर महात्मा ज्योतिबा फुले औद्योगिक प्रशिक्षण संस्था
- औद्योगिक प्रशिक्षण संस्था, कोल्हापूर – राजर्षी शाहू महाराज औद्योगिक प्रशिक्षण संस्था
- औद्योगिक प्रशिक्षण संस्था, अमरावती – संत गाडगेबाबा औद्योगिक प्रशिक्षण संस्था, अमरावती.
- औद्योगिक प्रशिक्षण संस्था, सांगली – लोकशाहीर आण्णाभाऊ साठे औद्योगिक प्रशिक्षण संस्था
- औद्योगिक प्रशिक्षण संस्था, जळगाव – कवयत्री बहिणाबाई औद्योगिक प्रशिक्षण संस्था, जळगाव
- औद्योगिक प्रशिक्षण संस्था, आर्वी, जि. वर्धा – दत्तोपंतजी ठेंगडी औद्योगिक प्रशिक्षण संस्था, आर्वी, जि. वर्धा.
- औद्योगिक प्रशिक्षण संस्था, बेलापूर, नवी मुंबई.- दि. बा. पाटील औद्योगिक प्रशिक्षण संस्था, बेलापूर, नवी मुंबई.
- औद्योगिक प्रशिक्षण संस्था, कुर्ला, मुंबई. – महाराणा प्रताप औद्योगिक प्रशिक्षण संस्था, कुर्ला, मुंबई