नवी दिल्ली । देशांतर्गत वाहन उत्पादक कंपनी Mahindra & Mahindra ने मजबूत विक्रीच्या पार्श्‍वभूमीवर 30 सप्टेंबर 2021 रोजी संपलेल्या दुस-या तिमाहीत सर्व टॅक्स भरल्यानंतर स्वतंत्र नफ्यात (Standalone Profit) 8 पट पेक्षा जास्त वाढ नोंदवली आहे. यादरम्यान ऑटो कंपनीला 1,432 कोटी रुपयांचा नफा झाला. कंपनीने म्हटले आहे की,”2020-21 या आर्थिक वर्षाच्या जुलै-सप्टेंबर तिमाहीत त्यांनी 162 कोटी रुपयांचा स्वतंत्र नफा कमावला आहे.”
सप्टेंबर 2021 च्या तिमाहीत कंपनीचा महसूल 15 टक्क्यांनी वाढून 13,305 कोटी रुपये झाला, जो मागील वर्षीच्या याच कालावधीत 11,590 कोटी रुपये होता. महिंद्रा अँड महिंद्राने सांगितले की,”सप्टेंबर 2021 च्या तिमाहीत 99,334 वाहनांची विक्री झाली, जी मागील आर्थिक वर्षाच्या दुसऱ्या तिमाहीत विक्री झालेल्या 91,536 वाहनांपेक्षा 9 टक्के जास्त आहे.
दुसर्‍या तिमाहीत M&M ट्रॅक्टर विक्री 5 टक्क्यांनी घसरून 88,920 युनिट्सवर आली आहे, जी मागील वर्षीच्या याच कालावधीत 93,246 ट्रॅक्टर होती. कंपनीचा एकूण महसूल सप्टेंबर 2021 च्या तिमाहीत वाढून 21,470 कोटी रुपयांवर पोहोचला आहे, जो मागील वर्षी याच कालावधीत 19,227 कोटी रुपये होता.
कंसॉलिडेटेड प्रॉफिट 214% वाढला
महिंद्रा ग्रुपने आर्थिक वर्ष 2021-22 च्या दुसऱ्या तिमाहीत 1,929 कोटी रुपयांचा कंसॉलिडेटेड प्रॉफिट नोंदवला आहे, जो मागील आर्थिक वर्षाच्या दुसऱ्या तिमाहीत 615 कोटी रुपये होता. दुसऱ्या शब्दांत सांगायचे तर सप्टेंबर 2021 च्या तिमाहीत महिंद्रा अँड महिंद्राच्या एकत्रित नफ्यात वार्षिक आधारावर 214 टक्क्यांनी अभूतपूर्व वाढ नोंदवली आहे.
सेमी कंडक्टरच्या कमतरतेमुळे अडचणी वाढल्या आहेत
ऑटो कंपनीने सांगितले की,”कमोडिटीजच्या किमतीत वाढ आणि सेमी-कंडक्टरची कमतरता असूनही, त्यांच्या ऑपरेटिंग मार्जिनमध्ये 12.5 टक्क्यांनी वाढ झाली आहे.” सेमीकंडक्टरची उपलब्धता सुधारल्याने तिसऱ्या तिमाहीत उत्पादन वाढेल, असे कंपनीने म्हटले आहे. त्यात असेही म्हटले गेले आहे की,”गेल्या दोन तिमाहीत प्रवासी वाहनांच्या मागणीत जोरदार वाढ झाली आहे, मात्र चिपच्या कमतरतेमुळे जगभरातील वाहन उत्पादकांना अडचणींचा सामना करावा लागत आहे.”
