नवी दिल्ली । या वर्षी ऑस्ट्रेलियात होणाऱ्या T20 विश्वचषक 2022 साठीची तिकीट विक्री सुरू झाली आहे. भारत आणि पाकिस्तान संघ कोणत्याही मंचावर भिडतात तेव्हा चाहत्यांचा आनंद आणि उत्साह शिगेला पोहोचतो आणि त्याचे पडसाद या सामन्याच्या तिकीट खरेदीतही दिसून येते. T20 विश्वचषक-2022 मधील भारत-पाकिस्तान सामना 23 ऑक्टोबर रोजी मेलबर्न येथे होणार आहे. या सामन्याची तिकिटे अवघ्या काही मिनिटांतच विकली गेली.
ही आयसीसी स्पर्धा 16 ऑक्टोबर ते 13 नोव्हेंबर दरम्यान खेळवली जाणार आहे. यासाठी चाहत्यांना स्टेडियममध्ये जाऊन सामन्याचा आनंद लुटता यावा या उद्देशाने तिकीट खरेदी करता येणार आहे. ही तिकिटे t20worldcup.com वर उपलब्ध आहेत. यामध्ये फायनलसह 45 सामन्यांची तिकिटे खरेदी करता येणार आहेत. “पहिल्या फेरीसाठी आणि सुपर 12 टप्प्यासाठी मुलांचे तिकीट $5 आहे तर प्रौढांचे तिकीट $20 आहे,” असे ICC ने एका निवेदनात म्हटले आहे.
गेल्या मोसमाच्या अंतिम फेरीत न्यूझीलंडचा पराभव करून ऑस्ट्रेलिया या स्पर्धेचा सध्याचा चॅम्पियन आहे. वेस्ट इंडिजकडे 2 विजेतेपदे आहेत जो या जागतिक T20 स्पर्धेतील सर्वात यशस्वी संघ आहे. आत्तापर्यंत जवळपास प्रत्येक सामन्याची तिकिटे उपलब्ध होती मात्र 13 नोव्हेंबरला होणाऱ्या अंतिम आणि भारत-पाकिस्तान सामन्याची तिकिटे अवघ्या काही मिनिटांतच विकली गेली.
ऑस्ट्रेलियामध्ये पहिल्यांदाच पुरुषांचा T20 विश्वचषक खेळवला जात आहे, ज्याचे सामने एडलेड, ब्रिस्बेन, जिलॉन्ग, होबार्ट, मेलबर्न, पर्थ आणि सिडनी येथे होतील. भारत आणि पाकिस्तान यांच्यात 23 नोव्हेंबरला मेलबर्न क्रिकेट ग्राउंडवर (MCG) सामना होणार आहे. ऑस्ट्रेलियाचा मर्यादित षटकांचा कर्णधार एरॉन फिंच म्हणाला, ‘आयसीसी T20 विश्वचषक शानदार असेल. तसेच आपल्या घरच्या प्रेक्षकांसमोर विजेतेपद राखण्याची संधी मिळणे ही आमच्यासाठी सन्मानाची गोष्ट आहे.
तो म्हणाला, ‘घरच्या प्रेक्षकांचे महत्त्व 2015 च्या एकदिवसीय क्रिकेट विश्वचषक आणि गेल्या वर्षीच्या महिला टी-20 विश्वचषकात दिसून आले. जेव्हा संपूर्ण देश आम्हाला प्रोत्साहन देत असेल, तेव्हा आम्ही हा आणखी एक अविस्मरणीय विश्वचषक बनवू.आयसीसीच्या म्हणण्यानुसार, जर एखाद्या कुटुंबाला आपल्या 2 मुलांसह सामना पाहायचा असेल, तर त्यासाठी तिकिटाची किंमत $50 ठेवण्यात आली आहे.