जिल्हा ग्राहक तक्रार निवारण मंचकडे स्थापनेपासून 16 हजार 770 मूळ तक्रारी दाखल झाल्या होत्या. यामधील आज अखेर 15 हजार 467 प्रकरणात निकाल देण्यात आला आहे. केवळ 1 हजार 303 न्याय प्रविष्ट आहेत, अशी माहिती मंचच्या अध्यक्ष सविता भोसले यांनी आज दिली.
कोल्हापूर, प्रतिनिधी, सतेज औंधकर – महानगरपालिकेत लोकशाही पंधरवडा दि.26 जानेवारी ते 10 फेब्रुवारी 2020 या कालावधीत साजरा करण्यात येत आहे. निवडणूकीत 100 टक्के मतदान व्हावे यासाठी शहरात रॅलीद्वारे जनजागृती करण्यात येत असनू या अंतर्गत आज गांधी मैदान येथून मतदान जनजागृती रॅलीचे आयोजन करण्यात आले होते. नगरसचिव दिवाकर कारंडे यांच्या प्रमुख उपस्थितीत ही रॅली काढण्यात आली. … Read more
कोल्हापूर, प्रतिनिधी, सतेज औंधकर : माणेवाडी या गावामध्ये मयत दत्तात्रय नारायण पाटील यांच्या उतरकार्य होते. भावकीतून रात्री जेवण आणून जेवण्याचा कार्यक्रम झाल्यानंतर आज पहाटे 5 वाजल्या पासून 24 स्त्री ,9 पुरुष व एक लहान 8 वर्षाचा मुलगा अशा 35 लोकांना संडास ,उलटी, पोटात दुखणे असा त्रास चालू झाल्यामुळे या सर्व रुग्णांना जवळच्या पारगाव ग्रामीण रुग्णालयात … Read more
कोल्हापूर प्रतिनिधी । सतेज औंधकर महानगरपालिकेच्या सभागृहात शाब्दिक भांडणं, मारामाऱ्या झालेल्या तुम्ही पहायल्या असतील पण कोल्हापूर महानगरपालिकेच्या सभागृहात एक अजबच प्रकार घडला आहे. ताराराणी आघाडीचे नगरसेवकाने सत्ताधारी काँग्रेसच्या नगरसेवकाची भर सभागृहात चुंबन घेतले आणि सभागृहातील प्रत्येकजण पाहतच राहिला. महानगरपालिकेची सभा सुरु असताना हा प्रकार घडला. विरोधीगटाच्या नगरसेवकाने सत्ताधारी काँग्रेसच्या गटनेत्याची चुंबन घेतल्याने सर्वजण अवाक् झाले. … Read more
गगनबावडा तालुक्यातील मौजे कडवे गावातील जहागीर इनाम जमिनीवरील ‘सरकार हक्काची’ नोंद कमी करुन कायदेशीर वहिवाटदार/कब्जेदारांना वर्ग 2 या भूधारणा पध्दती प्रमाणे पुन:प्रदान करण्याचे आदेश कोल्हापूर जिल्हाधिकारी दौलत देसाई यांनी आज दिले. या आदेशाने कडवे ग्रामस्थांची 65 वर्षांची प्रतीक्षा संपली आहे. कोणत्याही मध्यस्थाशिवाय सर्व जमिनी (शर्तभंग झालेल्या जमिनी वगळून) शेत साऱ्याच्या 6 पट नजराणा रक्कम 15 दिवसात तलाठ्याकडे भरावी, असे आवाहन करुन या आदेशाची प्रत गावातील प्रत्येक घरात पोहचविण्याचे आदेशही जिल्हाधिकाऱ्यांनी दिले आहेत.
केंद्र शासन पुरस्कृत मनरेगामधील निधी येत्या मार्चअखेर १०० टक्के खर्च करावा, असे निर्देश देतानाच प्रधानमंत्री ग्रामसडक योजनेंर्तगत सुरु असलेली कामे पूर्ण करावीत, असे निर्देश खासदार संजय मंडलिक यांनी दिले. केंद्र शासन पुरस्कृत विविध योजनांची अमंलबजावणी, प्रगती व संनियंत्रण बाबतची आढावा सभा खासदार मंडलिक यांच्या अध्यक्षतेखाली जिल्हा परिषदेतील राजर्षी छत्रपती शाहू सभागृहात झाली.
राज्यातील बिगर कृषी सहकारी पतसंस्थांच्या गैरकारभारावर नियंत्रण ठेवण्यासाठी स्थापन करण्यात आलेल्या पतसंस्था नियामक मंडळाचा एक निर्णय पतसंस्थांच्या आर्थिक प्रगतीला गतिरोधक ठरू लागला आहे. त्यामुळं राज्यातील सुमारे १७ हजाराहून अधिक पतसंस्थांनी या निर्णयाला विरोध करण्याची भूमिका घेतली आहे. या निर्णयाला विरोध करण्यासाठी पतसंस्थांनी आज एक दिवसाचा बंद पाळाला आहे.
कोल्हापूर जिल्ह्यात विविध पक्ष,संघटनांनी पुकारलेला बंद तसेच प्रजासत्ताकदिनी विविध मागण्यांसंदर्भात संभाव्य आंदोलन लक्षात घेऊन अपर जिल्हादंडाधिकारी दत्तात्रय कवितके यांनी जिल्ह्यात बंदी आदेश जारी केला आहे. या आदेशानुसार, महाराष्ट्र पोलीस अधिनियम 1951 चे कलम 37 (1) अ ते फ आणि कलम 37 (3) अन्वये 31 जानेवारी 2020 पर्यंत जिल्ह्यात बंदी लागू करण्यात आली आहे.
साडेतीन शक्तिपीठांपैकी एक महत्वाचं पीठ असणाऱ्या करवीर निवासिनी श्री अंबाबाई मंदिर आणि श्री जोतिबा मंदिराचे स्ट्रक्चरल ऑडिट करण्यात येणार आहे. मुंबई येथील स्ट्रक्टवेल डिझायनर्स अँड कन्सल्टन्स प्रा. लि. या कंपनीने दोन्ही मंदिरांचे स्ट्रक्चरल ऑडिट अगदी नाममात्र मानधनात करून देणार आहे. प्रत्यक्ष कामाला पुढील आठवड्यात सुरुवात होणार असून देवस्थान समितीच्या वतीने कंपनीसोबतचा पत्रव्यवहार पूर्ण केला आहे. 90 दिवसांत दोन्ही मंदिरांचे स्ट्रक्चरल ऑडिट कंपनीने पूर्ण होणार आहे. मंदिर संवर्धनासाठी याचा उपयोग होणार आहे.
भाजपा सरकारच्या काळात वरिष्ठ नेत्यांच्या फोन टॅपिंग प्रकरणाची गंभीर दखल राज्य सरकारनं घेतली आहे. गृहराज्यमंत्री सतेज पाटील यांनी या घटनेची चौकशी सुरू केल्याचं सांगितलं आहे. फोन टॅपिंग संदर्भात एक नियमावली आहे. ही नियमावली तोडून काही घडलं आहे का किंवा कुणाच्या परवानगीने हे झालंय का याची चौकशी राज्य सरकारने सुरू केली असल्याचं गृहराज्यमंत्री सतेज पाटील यांनी सांगितलं आहे. कोल्हापुरात पत्रकारांशी बोलताना त्यांनी हे सांगितलं.