नवी दिल्ली । जगातील पहिल्या अँटीव्हायरस सॉफ्टवेअरचा (McAfee antivirus software) संस्थापक John McAfee हा स्पॅनिश तुरुंगात मृत अवस्थेत सापडला आहे. तो स्पेनच्या एका तुरूंगात (Spain Jail) तुरूंगवासाची शिक्षा भोगत होता. त्याने जेलमध्ये आत्महत्या केली. जगाला अँटीव्हायरस देणाऱ्या McAfee ला आपल्या विषाणूवर मात करता आली नाही. त्याचे आयुष्य आणि त्याचे जीवन त्याने संपविले. त्याच्यावर टॅक्स चोरी आणि फसवणूकीचा आरोप होता. तसेच त्याच्या मृत्यूच्या काही काळापूर्वीच कोर्टाने त्याचे अमेरिकेला प्रत्यार्पण करण्याची परवानगी दिली होती. चला तर मग या McAfee च्या जीवनातील काही मनोरंजक गोष्टी जाणून घेऊयात ….
आले होते नैराश्य
जॉनच्या वकिलांनी वृत्तसंस्था रॉयटर्सला सांगितले की, त्याचा मृत्यू आत्महत्येमुळे झाला आहे. वकील जेव्हियर व्हिलाब्ला म्हणाले की,” नऊ महिने तुरूंगात घालवल्यानंतर जॉन निराश झाला होता. 75 वर्षीय जॉनने जगातील पहिले व्यावसायिक अँटी-व्हायरस सॉफ्टवेअर ‘McAfee’ तयार केले. गेल्या वर्षी 3 ऑक्टोबरला ब्रिटीश पासपोर्टवर इस्तंबूलला जात असताना त्याला बार्सिलोना विमानतळावर ताब्यात घेण्यात आले होते.
John McAfee कोण होते?
मॅक्फी असोसिएट्सची स्थापना जॉन डेव्हिड मॅकफि यांनी 1987 मध्ये केली होती, त्यांचा जन्म 1945 मध्ये इंग्लंडमधील ग्लूसेस्टरशायर येथे झाला होता. 1990 च्या दशकाच्या सुरूवातीस कंपनीचे नाव त्यांच्या नावावर होते. 2011 मध्ये त्याने अँटीव्हायरस सॉफ्टवेअर कॅलिफोर्नियास्थित चिपमेकर कंपनी इंटेलला 7.68 अब्ज डॉलर्समध्ये विकले. McAfee ने या कंपनीच्या एका भागाला सायबर सिक्युरिटी कंपनीचे स्वरूप दिले होते. त्यावेळी पर्सनल कॉम्प्युटरच्या भरभराटीमुळे मॅकॅफी अँटीव्हायरसनेही मार्केटमध्ये वर्चस्व मिळवले. 80, 90 च्या दशकात, डझनभर फॉर्च्युन 100 कंपन्यांनी त्याचेच अँटीव्हायरस सॉफ्टवेअर वापरले. जॉनने 1994 मध्ये राजीनामा दिला होता परंतु तो व्यवसायातच राहिला.
इन्कम टॅक्स भरत नव्हता
McAfee स्वत: ला एक क्रिप्टोकरन्सी एक्सपर्ट मानत असे. 2017 मध्ये, तो MGT Capital Investments चा सीईओ बनला आणि बिटकॉइन मायनिंग व्यवसायाद्वारे फायदेशीर सायबरसुरक्षा कंपनी बनवण्याचे आश्वासन दिले. तथापि, त्याच वर्षानंतर ते Luxcore या दुसर्‍या क्रिप्टोकरन्सी कंपनीचे मुख्य कार्यकारी अधिकारी झाले. McAfee ने क्रिप्टोकरन्सी आणि कंसल्टिंग वर्कद्वारे लाखोंची कमाई केली होती, परंतु त्याने इन्कम टॅक्स भरला नाही. जर तो दोषी ठरला असता तर त्याला 30 वर्षांची शिक्षा होऊ शकते. याआधीही McAfee ला डोमिनिकन रिपब्लिक देशात शस्त्रे आणि दारूगोळ्या बाळगल्याप्रकरणी अटक करण्यात आली होती. टेनेसी अभियोक्तांच्या म्हणण्यानुसार, 2014 ते 2018 या पाच आर्थिक वर्षांत त्याला अमेरिकन सरकारला, 4,214,105 दंड आणि व्याजासह भरावे लागले.
मृत्यूनंतर त्याचे टॅटू व्हायरल होत आहे
McAfee च्या निधनानंतर लवकरच त्याचे 2019 चे ट्विट सोशल मीडियावर व्हायरल होत आहे. या फोटो मध्ये उजव्या हाताला असलेला टॅटू शेअर करताना त्याने लिहिले की, ‘जर मी आत्महत्या केली असेल तर समजा मी असे केले नाही. मला धक्का बसला माझा उजवा हात तपासा.’ आम्ही तुम्हाला घ्यायला येत आहोत असा मेसेज अमेरिकन अधिकार्‍यांकडून मिळाल्यानंतर त्यांनी हे लिहिले आहे.
सेक्स वर्करशी केले होते लग्न
71 वर्षीय John McAfee ने 34 वर्षीय जॅनिस डायसनशी (Jenis Dyson) तिसरे लग्न केले. जी एका रेस्टॉरंटमध्ये काम करायची, ती सेक्स वर्कर म्हणूनही काम करायची. McAfee ने तिला कॉल गर्ल (Call Girl in Hotel) म्हणून एकत्र रात्री घालविण्यास आमंत्रित केले तेव्हा ते एकमेकांना पहिल्यांदा भेटले. अमेरिकेतील मियामी बीच कॅफेमध्ये एक रात्र आणि एक दिवस घालवल्यानंतर McAfee ने डायसनला आपला जीवनसाथी बनविण्याचा निर्णय घेतला. 2013 साली त्यांचे लग्न झाले आणि McAfee ने स्वतः एका कार्यक्रमादरम्यान ही गोष्ट सार्वजनिक केली.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा