कराड | पुणे- बंगळूर महामार्गावर उंब्रजशेजारी असलेल्या कोर्टी येथे एका आयशर टेम्पोचा अपघात झाला. रविवारी दि. 6 रोजी टेम्पोचा पाठीमागील बाजूचा टायर फुटल्याने हा अपघात झाला. यावेळी गाडी चालकाचा ताबा सुटल्याने टेम्पो पलटी झाल्याने चालक जखमी झाला आहे.
घटनास्थळावरून मिळालेली माहिती अशी, कराड- सातारा दरम्यान असलेल्या कोर्टी येथे हा हायवेवर टेम्पो क्रमांक (MH- 12- CH-2816) पलटी झाला. तारेचे गठ्ठे भरून जात असताना अचानक आयशर गाडीचा पाठीमागील टायर फुटल्याने गाडी चालकाचा ताबा सुटला. जखमी चालकास उंब्रज हाॅस्पिटल येथे दाखल केले.
टेम्पो पलटी झाल्याने वाहतूकीचा खोळंबा झाला होता. अखेर कराड व उंब्रज पोलिसांनी क्रेन बोलावून टेम्पो बाजूला काढून रस्ता सुरळीत केला. अपघाताची माहिती मिळताच तात्काळ घटनास्थळी दाखल झाले. जी. आर. बी हायवे हेल्पलाइन पेट्रोलिंग इन्चार्ज दस्तगीर आगा, जितेंद्र भोसले, प्रकाश गायकवाड तसेच महामार्ग पोलिस ऊंब्रज पोलिस स्टेशनचे कर्मचारी यांनी मदत केली.
