Monday, January 30, 2023

महाराष्ट्र शासनाचे लक्ष वेधण्यासाठी माथाडी शिष्टमंडळांने राज्यपालांची घेतली भेट

- Advertisement -

कराड प्रतिनिधी | सकलेन मुलाणी

माथाडी कामगार व अन्य घटकांचा अत्यावश्यक सेवेत समावेश करा, त्यांना रेल्वेने, परिवहन सेवेच्या बस व एसटीने प्रवास करण्यास परवानगी द्या. या घटकाला विशेष विमा संरक्षण कवच लागू करा या मागणीकडे महाराष्ट्र शासनाचे लक्ष वेधण्यासाठी शिफारस करण्याकरिता महाराष्ट्र राज्य माथाडी ट्रान्सपोर्ट आणि जनरल कामगार युनियनचे नेते व माजी आमदार नरेंद्र अण्णासाहेब पाटील यांच्या नेतृत्वाखालील शिष्टमंडळाने आज महाराष्ट्र राज्याचे राज्यपाल भगतसिंह कोश्यारी यांना राजभवनात भेटून निवेदन सादर केले.

- Advertisement -

या शिष्टमंडळात माथाडी कामगार नेते नरेंद्र अण्णासाहेब पाटील यांच्या समवेत अध्यक्ष एकनाथ जाधव, संयुक्त सरचिटणीस चंद्रकांत पाटील, रविकांत पाटील, जनसंपर्क अधिकारी पोपटराव देशमुख यांचा समावेश होता.

लाॅकडाऊनच्या पहील्या व दुस-या टप्यापासून माथाडी कामगार व अन्य घटक जीव मुठीत घेऊन नागरिकांच्या अन्न-धान्य, मसाले, कांदा बटाटा, भाजीपाला व फळे, गॅस सिलिंडर या जीवनावश्यक वस्तूंच्या मालाची तसेच खते, खाद्य मालाची चढ- उताराची कामे करीत आहेत. त्यांच्या न्याय प्रश्नांची अनेक निवेदने राज्याचे मुख्यमंत्री, उपमुख्यमंत्री व संबंधित मंत्री महोदय यांना सादर केली. लाक्षणिक संप केला, रेल्वे स्टेशन समोर महाराष्ट्र व कामगार दिन आणि माथाडी कामगार न्याय हक्क सप्ताह साजरा केला. परंतु दखल घेतली गेली नाही, म्हणून राज्यपाल भगतसिंह कोश्यारी यांना आज भेटून माथाडी कामगार व अन्य घटकांच्या प्रश्नांचे निवेदन सादर केल्याचे माथाडी कामगार नेते माजी आमदार नरेंद्र अण्णासाहेब पाटील यांनी पत्रकार म्हटले आहे.