आता आधारशी संबंधित आपल्या समस्या एका कॉलमध्ये सोडविल्या जाणार, UIDAI ने सुरु केली ‘ही’ खास सुविधा

नवी दिल्ली । सध्याच्या काळात आधार कार्ड हे एक महत्त्वाचे डॉक्युमेंट बनले आहे. आधार कार्डमध्ये आपली माहिती अपडेट करणे नेहमीच कठीण होते, परंतु आता ही प्रक्रिया अगदी सोपी होणार आहे. आधारशी संबंधित प्रत्येक समस्येचे निराकरण करण्यासाठी, UIDAI ने 1947हा हेल्पलाइन नंबर सुरू केला आहे, जो 12 भाषांमध्ये उपलब्ध आहे. येथे आपल्या आधाराशी संबंधित प्रत्येक समस्या सोडविली जाईल. UIDAI (Unique Identification Authority of India) ने एका ट्विटद्वारे ही माहिती दिली आहे.

आधार हेल्पलाइन 1947 हिंदी, इंग्रजी, तेलगू, कन्नड, तामिळ, मल्याळम, पंजाबी, गुजराती, मराठी, उडिया, बंगाली, आसामी आणि उर्दू या 12 भाषांमध्ये उपलब्ध आहे. येथे आपल्याला आधार संबंधित प्रत्येक समस्येचे निराकरण केले जाईल.

फक्त 50 रुपयांमध्ये मिळवा एटीएमसारखे आधार कार्ड
डेबिट-क्रेडिट कार्डसारखे दिसणारे नवीन आधार महाग नाहीत. सर्वसामान्यांच्या सोयीसाठी UIDAI ने यासाठी केवळ 50 रुपये फी ठेवली आहे. अनेक सुरक्षित फीचर्ससह सज्ज पीव्हीसी आधार अधिक सोयीस्कर आहे. तसेच यासाठी ठेवलेली फीदेखील जास्त नाही आहे.

त्याचे वैशिष्ट्य काय आहे?
आधार पीव्हीसी कार्डचे वैशिष्ट्य म्हणजे ते बराच काळ टिकेल आणि ते दिसण्यातही आकर्षक आहे. याशिवाय यात नवीनतम सिक्योरिटी फीचर्स आहेत. त्याच्या सिक्योरिटी फीचर्स मध्ये होलोग्राम, Guilloche Pattern, घोस्ट इमेज आणि मायक्रोटेक्स्ट समाविष्ट आहे. तेथे पीव्हीसी (पॉलीव्हिनाइल कार्ड) आहे जे प्लास्टिकचे बनलेले आहे. आपले सर्व डिटेल्स यामध्ये ठेवलेले असतात.

घरबसल्या आधार PVC कार्ड बनवा
>> यूआयडीएआय https://resident.uidai.gov.in/ च्या अधिकृत वेबसाइटवर जा.
>> My Aadhaar Section वर कर्सर ठेवल्यावर, एक ड्रॉप मेन्यू दिसेल ज्यामध्ये Get Aadhar टॅबच्या पर्यायात दिसेल >> Order Aadhar PVC Card वर क्लिक करा.
>> आपला 12-अंकी आधार क्रमांक किंवा 16-अंकी व्हर्च्युअल आयडी किंवा 28-अंकी ईआयडीसह सिक्योरिटी कोड बॉक्स मध्ये >> SEND OTP क्लिक करा.
>> आधारशी जोडलेल्या मोबाईलवर एक ओटीपी येईल, जो बॉक्समध्ये भरावा लागेल.
>> पेमेंट पर्याय पुढील पानावर येईल. त्यावर क्लिक करा.
>> कार्ड किंवा नेट बँकिंग किंवा यूपीआय मार्फत 50 रुपये भरा.
>> पैसे भरल्यानंतर त्याची माहिती रजिस्टर्ड मोबाइलवर पोहोचेल.
>> काही दिवसात आधार पीव्हीसी कार्ड पोस्टद्वारे आधार कार्डवर दिलेल्या पत्त्यावर येईल.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like