‘कोरोनाच्या दुसर्‍या लाटेमुळे अर्थव्यवस्थेला दीर्घकालीन नुकसान होऊ शकते’ – Moody’s

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । कोविड -19 साथीच्या दुसर्‍या लाटेमुळे भारतीय अर्थव्यवस्थेला दीर्घकालीन नुकसान होऊ शकते. या नुकसानीपासून अर्थव्यवस्था परत मिळविण्यात निर्यात पुन्हा एकदा मोठी भूमिका बजावेल. मूडीज अ‍ॅनालिटिक्सने नुकत्याच दिलेल्या रिपोर्टमध्ये असे सांगितले आहे.

‘एपीएसी इकॉनॉमिक आउटलुक: डेल्टा हर्डल्स’ असे शीर्षक असलेल्या रिपोर्टमध्ये मूडीज अ‍ॅनालिटिक्सने म्हटले आहे की,”सध्याच्या तिमाहीत Social distancing चा परिणाम होत आहे परंतु वर्षाच्या अखेरीस आर्थिक रिकव्हरी पुन्हा सुरू होईल.”

रिपोर्टनुसार, कोविड -19 मधील डेल्टा व्हेरिएन्ट आता एशिया-पॅसिफिक (APAC) क्षेत्राच्या अर्थव्यवस्थांवर विपरित परिणाम करणारे घटकांपैकी एक आहे, परंतु प्रदेशातील हालचालींवर निर्बंधाचा परिणाम दुसर्‍या तिमाहीतही समान होता. गेल्या वर्षी प्रमाणे आता आर्थिक मंदी तितकी तीव्र होणार नाही.

अर्थव्यवस्थेत निर्यातीचा कमी वाटा
भारतातील अर्थव्यवस्थेत निर्यातीचा वाटा तुलनेने कमी आहे. वस्तूंच्या जास्त किंमतींमुळे निर्यातीचे मूल्य वाढले आहे. हाच एक घटक आहे ज्याने कोविड -19 च्या पहिल्या विनाशकारी लाटेनंतर भारताला पुन्हा रुळावर आणण्यास मदत केली.

या रिपोर्टमध्ये असेही म्हटले गेले आहे की, “दुसरी लाट आता शेवटच्या दिशेने वाटचाल करीत असल्याने अर्थव्यवस्थेला दीर्घावधीत नुकसान होऊ शकते. छोट्या व्यावसायिकांवर साथीच्या आजाराचा वाईट परिणाम झाला आहे. त्याच वेळी निर्यात पुन्हा एकदा रिकव्हरीसाठी आधार ठरेल.”

भारत लसीकरणाला वेग देण्यासाठी झुंज देत आहे
आर्थिक माहिती आणि विश्लेषणाशी संबंधित मूडीज अ‍ॅनालिटिक्सने लसीकरणाच्या संदर्भात असे लिहिले आहे की,” लसीकरण मोहिमेला वेग देण्यासाठी भारत संघर्ष करीत असल्याचे दिसते.” त्यात म्हटले आहे की,” जागतिक आर्थिक रिकव्हरी ठोस वेगाने सुरू आहे, परंतु आशियातील काही देशांमध्ये अल्पावधीत त्याचे प्रतिबिंबित होताना दिसत नाही. विशेषतः दक्षिणपूर्व आशियामध्ये. त्याचे कारण म्हणजे कोविड -19 च्या डेल्टा व्हर्जनचा संपूर्ण प्रदेशात प्रसार आणि त्यास प्रतिबंध करण्यासाठी सामाजिक अंतर प्रतिबंध आहे.

मूडीज अ‍ॅनालिटिक्सच्या मते, यावर्षी जागतिक GDP (सकल देशांतर्गत उत्पादन) वाढीचा दर 5 ते 5.5 टक्के राहील. हा अपेक्षित विकास दराच्या 3 टक्क्यांपेक्षा अधिक आहे.

Leave a Comment