नवी दिल्ली । तुम्हाला तुमच्या गुंतवणुकीवर कोणत्याही प्रकारची जोखीम नको असेल तर पोस्ट ऑफिस तुमच्यासाठी एक चांगला पर्याय ठरू शकतो. पोस्ट ऑफिस स्कीममध्येही तुम्हाला चांगले रिटर्न मिळतात. पोस्ट ऑफिसच्या लहान बचत योजना जास्त चांगल्या आहेत. यामध्ये कमी खर्चात गुंतवणूक केल्यास मोठी कमाई होते. अशाच एका पोस्ट ऑफिस योजनेचे नाव आहे – Post Office Recurring Deposit. यामध्ये तुम्हाला चांगला रिटर्न मिळतो.
पोस्ट ऑफिस RD स्कीम म्हणजे काय?
एकूणच, या योजनेद्वारे, तुम्ही अगदी कमी पैशात गुंतवणूक सुरू करू शकता. याशिवाय तुमचे पैसेही पूर्णपणे सुरक्षित राहतील. यामध्ये तुम्ही दरमहा 100 रुपयांपासून गुंतवणूक करू शकता. तुम्ही किती गुंतवणूक करू शकता यासाठी जास्तीची मर्यादा नाही. पोस्ट ऑफिस RD डिपॉझिट खाते हे चांगल्या व्याजदरासह लहान हप्ते जमा करण्याची सरकारी गॅरेंटी असलेली योजना आहे.
तुम्हाला किती व्याज मिळेल जाणून घ्या
पोस्ट ऑफिसमध्ये उघडलेले RD खाते 5 वर्षांसाठी असते. त्यापेक्षा कमी वर्षासाठी ते उघडता येत नाही. प्रत्येक तिमाहीत (वार्षिक दराने) जमा केलेल्या पैशावर व्याज मोजले जाते. मग ते प्रत्येक तिमाहीच्या शेवटी चक्रवाढ व्याजासह तुमच्या खात्यात जोडले जाते. इंडिया पोस्ट ऑफिसच्या वेबसाइटनुसार, सध्या RD स्कीमवर 5.8 टक्के व्याज दिले जात आहे. केंद्र सरकार त्यांच्या सर्व लहान बचत योजनांमध्ये दर तिमाहीला व्याजदर जाहीर करते.
जर तुम्ही 10 हजार रुपये गुंतवले तर तुम्हाला 16 लाखांपेक्षा जास्त रक्कम मिळेल
जर तुम्ही पोस्ट ऑफिस RD स्कीममध्ये दरमहा 10 हजार रुपये गुंतवले, तेही 10 वर्षांसाठी, तर त्याच्या मॅच्युरिटीवर तुम्हांला 16,26,476 लाख रुपये मिळतील.
RD खात्याबद्दलच्या काही खास गोष्टी
जर तुम्ही RD चा हप्ता वेळेवर जमा केला नाही तर तुम्हाला दंड भरावा लागेल. हप्ता भरण्यास उशीर झाल्यास, तुम्हाला दरमहा एक टक्का दंड भरावा लागेल. यासोबतच तुम्ही सलग 4 हप्ते जमा न केल्यास तुमचे खाते बंद केले जाईल. मात्र, खाते बंद केल्यावर, ते पुढील 2 महिन्यांमध्ये पुन्हा ऍक्टिवेट केले जाऊ शकते.