हॅलो महाराष्ट्र ऑनलाईन। (Upcoming Marathi Movie) आज दिनांक ८ मार्च रोजी जगभरात जागतिक महिला दिन साजरा केला जात आहे. आजच्या या खास दिवसानिमित्त ठिकठिकाणी विविध कार्यक्रमांचे, भव्य रॅलीचे आयोजन करण्यात आले आहे. याशिवाय आजच्या दिवसाच्या औचित्य साधून काही चित्रपटांची घोषणा करण्यात आली आहे. यामध्ये ‘गुलाबी’ या चित्रपटाचा समावेश आहे. या चित्रपटाचे एक पोस्टर सोशल मीडियावर प्रदर्शित करत नुकतीच या आगामी चित्रपटाची घोषणा करण्यात आली आहे.
कसलेले कलाकार एकत्र झळकणार
जागतिक महिला दिनाच्या निमित्ताने व्हॉयलेट फ्लेम मोशन पिक्चर्स निर्मित ‘गुलाबी’ या चित्रपटाची नुकतीच सोशल मीडियावर घोषणा करण्यात आली आहे. (Upcoming Marathi Movie) लवकरच हा चित्रपट प्रेक्षकांच्या भेटीला येणार आहे. या चित्रपटाचे दिग्दर्शन अभ्यंग कुवळेकर यांनी केले आहे. तसेच या चित्रपटाचे स्वप्नील भामरे, अभ्यंग कुवळेकर, शीतल शानभाग आणि सोनाली शिवणीकर निर्माते आहेत. याशिवाय चित्रपटात एकदम दमदार आणि कसलेले कलाकार एकत्र मोठ्या पडद्यावर आपल्या भेटीसाठी सज्ज झाले आहेत.
तीन मैत्रिणींची कथा (Upcoming Marathi Movie)
माहितीनुसार, आगामी मराठी चित्रपट ‘गुलाबी’च्या माध्यमातून मराठी अभिनेत्री श्रुती मराठे, मृणाल कुलकर्णी, अश्विनी भावे, सुहास जोशी यांच्यासह अभिनेता शैलेश दातार, अभ्यंग कुवळेकर आणि निखिल आर्या हे कलाकार मध्यवर्ती तसेच मुख्य भूमिका साकारताना दिसणार आहेत. चित्रपटाच्या पोस्टरवरून, नावावरून हा चित्रपट तीन मैत्रिणींची कथा सांगणारा दिसत असला तरी तिघींची पार्श्वभूमी वेगळी आहे. (Upcoming Marathi Movie) त्यामुळे यात काहीतरी वेगळे पाहायला मिळणार हे नक्की ! सध्या तरी पोस्टरवरून आपण इतकाच अंदाज बांधू शकतो.
‘गुलाबी’ या आगामी मराठी चित्रपटाबद्दल बोलताना दिग्दर्शक अभ्यंग कुवळेकर यांनी आपल्या भावना व्यक्त केल्या आहेत. ते म्हणाले की, ‘आज आमच्या चित्रपटाची घोषणा होतेय. चित्रपट स्त्रीप्रधान असला तरी यात मनोरंजनही आहे. हळूहळू चित्रपटातील अनेक गोष्टी समोर येतीलच. सध्या तरी एकच सांगेन अतिशय प्रतिभाशाली अभिनेत्री यात अभिनय करत आहेत’. (Upcoming Marathi Movie)