सातारा प्रतिनिधी | शुभम बोडके
सातारा नगरपालिका निवडणूकीचा बिगुल कधीही वाजू शकतो. त्यामुळे आता साताऱ्यात दोन्ही राजे हजेरी कार्यकर्त्यांच्या कार्यक्रमांना आवर्जून हजेरी लावत आहेत. राज्यसभा खा. छ. उदयनराजे भोसले यांनीही आपल्या हटके स्टाईलमध्ये कार्यकर्त्याला वाढदिवसाच्या शुभेच्छा दिल्या आहेत. चक्क, स्वतः तोंडाने विनोद मोरे या कार्यकर्त्याला पेढा भरवून शुभेच्छा दिल्या. सध्या सोशल मिडियावर हा व्हिडिअो चांगलाच व्हायरल होत आहे.
खासदार उदयनराजे आपल्या खास शैलीसाठी नेहमीच चर्चेत राहिलेले अनेकदा पहायला मिळात आले आहे. आगामी काही दिवसात सातारा नगरपालिका निवडणूक जाहीर होवू शकते. कारण नगरसेवकाचा कार्यकाल पूर्ण झाला असून सध्या प्रशासक काम पाहत आहेत. अशावेळी आता साताऱ्यात पुन्हा नगरपालिका कोणाकडे जाणार, याबाबतची चर्चा आतापासून सुरू झाली आहे. छ. उदयनराजे भोसले आणि आ. शिवेंद्रसिंहराजे भोसले दोघेही पालिकेत एकमेकांसमोर आमनेसामने असणार आहेत. त्या पार्श्वभूमीवर साताऱ्यात दररोज होणाऱ्या छोट्या-मोठ्या कार्यक्रमांना दोन्ही राजे उपस्थित राहत आहेत.
उदयनराजेंनी कार्यकर्त्याला तोंडाने पेढा भरविल्याचा Video व्हायरल @HelloMaharashtr @AurangabadHello @Chh_Udayanraje pic.twitter.com/gw0EB4UAZJ
— Vishal Vaman Patil (@VishalVamanPat1) August 17, 2022
छ. उदयनराजे भोसले यांचे समर्थक विनोद मोरे यांचा नुकताच वाढदिवस उत्साहात पार पडला. या वाढदिवसाच्या कार्यक्रमाला छ. उदयनराजे स्वतः उपस्थित राहून त्यांनी कार्यकर्त्याला पेढा भरवला तोही स्वतः च्या तोंडाने, त्यामुळे हा व्हिडिअो अन् कार्यकर्ता चांगलाच चर्चेत आला आहे.