Viral Video | संपूर्ण महाराष्ट्रात पावसाला जोरदार सुरुवात झालेली आहे. त्यामुळे अनेक लोक हे नदी, नाले, झरे, धबधबे, किल्ले इत्यादी ठिकाणी भेट देत आहेत. निसर्गाचा आनंद घेण्यासाठी लोक अगदी त्यांच्या जीवाचा देखील विचार करत नाही. आपण सोशल मीडियावर देखील अनेक नदी नाल्यात लोक वाहून गेलेल्या बातम्या पाहिलेल्या आहेत. त्यामुळे शासनाकडून देखील पाण्याच्या ठिकाणी गेल्यावर काळजी करण्याचे आवाहन दिलेले आहे. तरीदेखील लोक याबाबत खूपच निष्काळजीपणा दाखवत आहेत. आणि या घटना वाढतच चाललेल्या आहेत.
अशातच सोशल मीडियावर एक व्हिडिओ व्हायरल (Viral Video) होताना दिसत आहे. या व्हिडिओमध्ये एका धबधब्याच्या ठिकाणी एक महिला अडकलेली दिसत आहे. परंतु त्या महिलेच्या नशीब चांगले होते की, तेथील स्थानिक लोकांनी तिला पाण्याबाहेर काढले. सध्या हा व्हिडिओ सोशल मीडियावर चांगलाच व्हायरल होत आहे.
https://www.instagram.com/reel/C87F0a7vrz0/?igsh=bG9qNWFrb2RhbXBo
सोशल मीडियावर व्हायरल होत असणाऱ्या या व्हिडिओमध्ये तुम्ही पाहू शकता की, एक महिला हातात चप्पल आणि अंगावर पर्स घेऊन धबधब्याच्या ठिकाणी पाण्यात अडकलेली दिसत आहे. तेव्हा तेथील स्थानिक लोक धावून आले आणि त्या महिलेला पाण्यातून सुखरूप बाहेर काढले. हा व्हिडिओ पाहून तुमच्याही अंगावर काटा येऊ शकतो.
जर त्या नागरिकांनी मनाचा मोठेपणा दाखवून त्या महिलेला वाचवण्याचे धाडस केले नसते, तर आज त्या महिलेचे काय झाले असते देवच जानो! सोशल मीडियावर हा व्हिडिओ चांगलाच व्हायरल होत आहे. आणि अनेक लोक त्या महिलेवर टीका देखील करत आहेत. कारण वारंवार शासनाकडून काळजी घेण्याचे आव्हान देण्यात आलेले आहे, तरी देखील लोक खूप निष्काळजीपणाने वागत आहेत.