हॅलो महाराष्ट्र ऑनलाईन। (Viral Video) जगभरात खवय्यांची काही कमी नाही. हे खवय्ये देश – विदेश बदलून त्या त्या ठिकाणी बनवल्या जाणाऱ्या पदार्थांची चव कायम चाखत असतात. आजकाल तर फूड ब्लॉगर्सचासुद्धा सुळसुळाट आहे. त्यामुळे सोशल मीडियावर अशा विविध ठिकाणांच्या अन्नपदार्थांची माहिती मिळत असते. सोशल मीडियावर बरेच वेगवेगळे पदार्थ बनवताना आणि खातानाचा व्हिडीओ व्हायरल होत असतात. असाच एक डोळे विस्फारून टाकणारा व्हिडीओ सोशल मीडियावर व्हायरल होतो आहे.
इडली- चटणी- सांबार असा उडपी नाश्ता अनेकांचा फेव्हरेट असेल. पण तुम्ही कधी हेच पदार्थ एकत्र करून बनवलेलं आईस्क्रीम खाल्लंय का? सध्या सोशल मीडियावर एक फूड फ्युजनचा व्हिडीओ व्हायरल होतो आहे. ज्यामध्ये विक्रेत्याने चक्क इडली, चटणी आणि सांबारमध्ये आईस्क्रीम मिसळून एक नवं फ्युजन आईस्क्रीम तयार केल्याचे दिसत आहे. (Viral Video) हा व्हिडीओ सोशल मीडियावर वाऱ्यासारखा व्हायरल होतो आहे. इडली, चटणी आणि सांबार एकत्र करून बनवलेलं हे आईस्क्रीम पाहून अनेक खवय्यांनी संताप व्यक्त केला आहे.
View this post on Instagram
आतापर्यंत तुम्ही अनेक प्रकारचे आईस्क्रीम चाखले असतील. पण हा व्हिडीओ पाहिल्यानंतर खवय्ये मात्र इडली, चटणी, सांबार आईस्क्रीम खाण्याचे कष्ट घेणार नाहीत. (Viral Video) इतकंच काय तर आईस्क्रीम आणि इडली एकत्र समोर जरी बघितले तरी हात लावायची इच्छा मरेल. हा व्हिडीओ सोशल मीडिया इंस्टाग्रामवर foodb_unk या पेजवर शेअर करण्यात आला आहे. जीव इंटरनेटवर तुफान व्हायरल होतो आहे. इडली- चटणी- सांबार या लोकप्रिय उडपी पदार्थासोबत केलेलं हे फ्युजन युनिक असलं तरी खाण्याची इच्छा होणे कठीणच.