हॅलो महाराष्ट्र ऑनलाईन। (Viral Video) डिसेंबर ते फेब्रुवारी या दरम्यान कडाक्याची थंडी असते. त्यामुळे हा काळ विंटर लव्हर्ससाठी फार खास असतो. थंडीच्या मोसमात अनेक लोक हिल स्टेशनवर फिरायला जायचा प्लॅन करतात. तर काही लोक मात्र थंडीने कुडकुण्याच्या भीतीने घराच्या बाहेरही पडत नाहीत. अशातच एक तरुण कलाकार नुसत्या थंडीत नव्हे तर चक्क बर्फात बसून तबला वाजवताना दिसतोय. होय. सोशल मीडियावर एक असा व्हिडिओ व्हायरल होतोय ज्यामध्ये एक तरुण कलाकार बर्फ़ाळ ठिकाणी कडाक्याच्या थंडीत एकही सूर इकडचा तिकडे न करता मंत्रमुग्ध करणारा तबला वाजवतोय. त्याचा हा व्हिडिओ सोशल मीडियावर चांगलाच पसंत केला जातोय.
आज पर्यंत तुम्ही अनेक कलाकारांचे अनेक व्हायरल व्हिडिओ पाहिले असाल. मात्र हा तरुण कलाकार सर्व नेटकऱ्यांचे लक्ष वेधून घेतो आहे. (Viral Video) एकीकडे थंडीच्या भीतीने घराबाहेर न पडणारी लोकं आणि दुसरीकडे बर्फात बसून तबल्यावर सूर छेडणारा हा कलाकार. या व्हिडिओत आपण पाहू शकतो की, या तरुण कलाकाराच्या आजूबाजूला सर्वत्र बर्फ पसरलेला आहे आणि अशा शुभ्र निसर्गाच्या सानिध्यात बसून तो तबल्यावर ठेका धरतोय. या तरुणाने लोकप्रिय हिंदी गाणे ‘माहिये जिना सोहना’ या गाण्यावर अगदी तालासुरात तबला वाजवला आहे. हा व्हिडिओ पाहून तुम्हीही नक्कीच या सुरांमध्ये हरवून जालं.
बॉलीवूड संगीत विश्वातील प्रसिद्ध गायक दर्शन रावल यांच्या आवाजातील ‘माहिये जिना सोहना’ हे गाणे प्रेक्षकांनी डोक्यावर घेतलेल्या गाण्यांपैकी एक आहे. या गाण्याला तरुण प्रेक्षकांचा मोठा वर्ग लावला आहे. (Viral Video) अशातच या तरुण कलाकाराचा या गाण्यावर तबला वाजवतानाचा व्हिडीओ व्हायरल झाला आहे. जो नेटकऱ्यांच्या पसंतीस पडला आहे. या व्हिडिओवर अनेक नेटकऱ्यांनी विविध प्रतिक्रिया देत या तरुण कलाकाराचे कौतुक केले आहे. या व्हिडिओत गाण्याचा एकही शब्द न गाता हा तरुण कलाकार तबल्यावर ठेका धरतोय हे पाहणं अत्यंत अद्भुत आहे.
प्रसिद्ध उद्योगपती हर्ष गोएंका पडले प्रेमात (Viral Video)
या तरुण कलाकाराची ही अप्रतिम कला पाहून नेटकरीचं नव्हे तर देशातील प्रसिद्ध उद्योगपती हर्ष गोएंकादेखील प्रभावित झाले आहेत. त्यांनी हा व्हिडीओ आपल्या अधिकृत सोशल मीडिया हँडलवर शेअर केला आहे. यासोबत त्यांनी इंग्रजीत कॅप्शनमध्ये लिहिले आहे की, ‘बर्फात वाजवला तबला’. सोशल मीडियावर हा व्हिडीओ हर्ष गोएंका यांच्या hvgoenka नावाच्या अधिकृत एक्स ट्विटर अकाउंटवरून शेअर करण्यात आला आहे. जो सध्या सर्वांचे लक्ष वेधून घेण्यात यशस्वी झाला आहे.