विरार : हॅलो महाराष्ट्र – विरार या ठिकाणी एक धक्कादायक घटना घडली आहे. यामध्ये एका 50 वर्षीय व्यक्तिवर तीन जणांनी दगडाने ठेचून जीवे मारण्याचा प्रयत्न केला आहे. ही संपूर्ण घटना विरार पूर्व येथील मनवेल पाडा या परिसरात घडली आहे. हि घटना सीसीटीव्हीमध्ये कैद झाली आहे.
काय आहे प्रकरण
22 मे रोजी विरार पूर्व मनवेल पाडा परिसरात राहणाऱ्या अमित चौधरी यांच्यावर तीन जणांकडून प्राणघातक हल्ला करण्यात आला. अमित हे आपल्या सोसायटीच्या आवारात उभे होते तेव्हा 3 तरुण दुचाकीवरुन आले आणि त्यांच्यावर हल्ला करण्यास सुरुवात केली. हि घटना परिसरातील सीसीटीव्ही कॅमेऱ्यात कैद झाली आहे. यामध्ये दिसत आहे कि ते तीनजण कशाप्रकारे अमित चौधरी यांच्यावर हल्ला करत आहेत. यामध्ये दिसत आहे कि एक तरुण हा आपल्या हातात दगड घेऊन अमित चौधरी यांच्या अंगावर फेकत आहे.
हा प्रकार अमित यांच्या सोसायटीतील नागरिकांनी पहिला असता त्यांनी मध्यस्थी करुन सर्व प्रकार थांबवला. या सगळ्या प्रकारात अमित चौधरी यांच्या पायाला दुखापत झाली आहे. त्यांना उपचारासाठी विरारमधील संजीवनी रुग्णालयात दाखल करण्यात आले आहे. या प्रकरणी पोलिसांनी 3 अज्ञात आरोपींविरोधात गुन्हा दाखल करण्यात आला आहे. सीसीटीव्हीच्या मदतीने या घटनेचा पुढील तपास पोलिसांकडून करण्यात येत आहे.