Weather Update | मान्सूनने सर्वत्र महाराष्ट्रात हजेरी लावलेली आहे. दरवर्षीपेक्षा यावर्षी मान्सून लवकरच महाराष्ट्रात दाखल झालेला आहे. राज्यातील विविध भागांमध्ये पावसाचा जोर आता पाहायला मिळत आहे. गेल्या आठवड्याभरात एवढा पाऊस पडला आहे की, अनेक धरणांच्या पाणी साठ्यात देखील वाढ झालेली आहे. तर आज राज्यातील हवामान नेमके कशी असेल? आणि राज्यात कोणत्या ठिकाणी पाऊस (Weather Update) पडेल. याबद्दलची माहिती हवामान खात्याने दिलेली आहे. आता तीच माहिती आपण जाणून घेऊयात. जेणेकरून तुम्हाला दिवसभरात तुमच्या इतर काही कामांचे प्लॅनिंग करता येईल.
हवामान विभागाने दिलेल्या माहितीनुसार आज कोकण त्याचप्रमाणे मराठवाड्यातील काही जिल्ह्यांमध्ये तुरळक ठिकाणी पाऊस पडणार आहे. त्याचप्रमाणे या ठिकाणी सोसाट्याचा वारा देखील असणार आहे. 40 ते 50 किलोमीटर प्रति तास वेगाने हा वारा असणार आहे. या ठिकाणी विजादेखील कडकडणार आहेत. त्याचप्रमाणे मध्य महाराष्ट्र देखील पावसाची शक्यता वर्तवण्यात आलेली आहे. महाराष्ट्र आणि विदर्भातील काही जिल्ह्यांमध्ये पाऊस पडणार आहे. त्यामुळे मुसळधार पावसामुळे नागरिकांनी योग्य ती खबरदारी घ्यावी, असे आवाहन प्रशासनाकडून देण्यात आलेले आहे.
पंजाबराव डख यांचा अंदाज | Weather Update
अशातच आता हवामान अभ्यासक पंजाबराव यांनी देखील हवामानाचा अंदाज वर्तवलेला आहे. त्यांनी सांगितलेल्या माहितीनुसार राज्यात 22 जून पर्यंत पाऊस सुरू राहणार आहे. आज एका तालुक्यात तर उद्या दुसऱ्या तालुक्यात अशा पद्धतीने पाऊस पडणार असल्याचे पंजाबराव यांनी सांगितलेले आहे. त्याचप्रमाणे 15 जून पासून ते 17 जून पर्यंत राज्यात काही भागांमध्ये पावसामध्ये खंड पडणार आहे असे देखील त्यांनी सांगितले.
राज्यातील अनेक भागांमध्ये पाऊस मोठ्या प्रमाणात पडत आहे. त्यामुळे आता शेतकरी शेतीच्या कामांना देखील लागलेले आहेत. शेतकऱ्यांची भाताची पेरणी देखील झालेली आहे. त्यामुळे यावर्षी खरीप हंगामात चांगली पिके येणार आहेत असे सगळ्यांचे म्हणणे आहे.