Weather Update | गेल्या आठवड्यापासून महाराष्ट्रातील अनेक ठिकाणी मुसळधार पावसाला सुरुवात झालेली आहे. घाट परिसरात देखील अति मुसळधार स्वरूपाचा पाऊस पडत आहे. हवामान विभाग देखील रोज पावसाबद्दलच्या अंदाज सांगत आहेत. अशातच आता हवामान विभागाने आज म्हणजे 17 जुलै 2024 रोजी पावसाचा (Weather Update) अंदाज व्यक्त केलेला आहे. त्यामुळे हवामान विभागाने दिलेल्या माहितीनुसार आज कोकणातील जिल्ह्यांमध्ये तुरळ ठिकाणी मुसळधार पाऊस पडण्याची शक्यता आहे. त्याचप्रमाणे उत्तर मध्य महाराष्ट्रात देखील अनेक ठिकाणी मुसळधार पाऊस पडू शकतो.
त्याचप्रमाणे सातारा, रत्नागिरी, सिंधुदुर्ग, राजगड या जिल्ह्यांमध्ये देखील आज अती मुसळधार पावसाचा (Weather Update) इशारा हवामान विभागाकडून देण्यात आलेला आहे. त्यामुळे या विभागाला ऑरेंज अलर्ट देखील जारी करण्यात आलेला आहे. मुंबईमध्ये देखील मागील काही दिवसांपासून पावसाचा तडाका लागलेला होता. या ठिकाणी देखील आज मुसळधार पाऊस पडण्याची शक्यता आहे. त्यामुळे मुंबई आणि उपनगरांमध्ये कमाल तापमान हे 29 अंश सेल्सियस ते किमान तापमान 25° c एवढे असणार आहे.
गेल्या काही दिवसांमध्ये महाराष्ट्रातील अनेक जिल्ह्यांमध्ये समाधानकारक पाऊस पडताना दिसत आहे. त्यामुळे आजही विदर्भातील अनेक जिल्ह्यांमध्ये पावसाचा अंदाज वर्तवण्यात आलेला आहे. या ठिकाणी हवामान विभागाने येलो अलर्ट जारी केलेला आहे. त्याचप्रमाणे कोकणात देखील पुढील तीन ते चार दिवस सलग अती मुसळधार पाऊस पडणार आहे. त्यामुळे या ठिकाणी हवामान विभागाने येल्लो अलर्ट देखील दिलेला आहे. परंतु मराठवाड्यात अनेक जिल्ह्यांमध्ये अजूनही पावसाची चांगली सुरुवात झालेली नाही. त्यामुळे मराठवाड्यातील लोक हे पावसाच्या प्रतीक्षेत आहे.