Weather Update | राज्यात पुन्हा एकदा पावसाने जोरदार हजेरी लावलेली आहे. अनेक दिवसांपासून मुसळधार पाऊस चालू आहे. त्याचप्रमाणे आजही आणि जिल्ह्यांमध्ये मुसळधार पावसाची शक्यता आहे. हवामान खात्याने दिलेल्या अंदाजानुसार आता अनेक जिल्ह्यांना पावसाचा अलर्ट जारी करण्यात आलेला आहे. कोकण विभागात आज अति मुसळधार पाऊस (Weather Update) पडण्याची शक्यता आहे. त्याचप्रमाणे इतर जिल्ह्यातही पाऊस कोसळणार आहे.
कोकणात पावसाची शक्यता | Weather Update
कोकणामध्ये पावसाने चांगली जोरदार हजेरी लावलेली आहे. त्यामुळे रत्नागिरी, सिंधुदुर्ग यांसह अनेक जिल्ह्यांना अति मुसळधार पावसाची शक्यता वर्तवण्यात आलेली आहे. त्यामुळे या विभागाला हवामान विभागाने ऑरेंज अलर्ट जारी केलेला आहे. तसेच सोसायट्याचा वारा देखील वाहण्याची शक्यता आहे. झाडे कोसळण्याचे आणि वीज पुरवठा खंडित होण्याचे देखील संकट येऊ शकते. नागरिकांनी काळजी घ्यावी असे आव्हान देण्यात आलेले आहे.
मुंबईतील हवामान
आज मुंबई आणि उपनगरात देखील मुसळधार पावसाची शक्यता आहे. तसेच ठाणे, रायगड,पालघर या जिल्ह्यांमध्ये मुसळधार ते मध्यम पावसाची शक्यता वर्तवण्यात आलेली आहे. या विभागाला ऑरेंज अलर्ट जारी करण्यात आलेला आहे. तसेच महाराष्ट्रातील पुणे, कोल्हापूर, सातारा या जिल्ह्यांमध्ये देखील पाऊस पडू शकतो.
मराठवाड्यामध्ये तुलनेने आज हवामान हलके आणि मध्यम स्वरूपाचे असणार आहे. त्याचप्रमाणे विदर्भात मात्र मुसळधार पाऊस आहे होणार आहे. अकोला, बुलढाणा, चंद्रपूर, भंडारा, गोंदिया, वर्धा, यवतमाळ, गडचिरोली, अमरावती, वाशिम, वर्धा यांसारख्या जिल्ह्यांना पावसाचा येल्लो अलर्ट देण्यात आलेला आहे. या भागामध्ये वादळी वारा आणि विजादेखील कडकडण्याची शक्यता हवामान विभागाने वर्तवलेली आहे.