हॅलो महाराष्ट्र ऑनलाईन | गेल्या काही दिवसापासून महाराष्ट्रात ढगाळ वातावरण दिसत आहे. आणि थंडी देखील कमी झालेली आहे. अरबी समुद्रात आद्रता वाढलेली आहे. त्यामुळे अनेक ठिकाणी अवकाळी पाऊस पडला आहे. आणि गारपिटीमुळे अनेकांचे नुकसान देखील झाले आहे. परंतु उत्तर प्रदेशात धुके पसरलेले आहे. आणि काही ठिकाणी बर्फवृष्टी देखील होत आहे. तापमानात मोठ्या प्रमाणात घट होणार आहे. येत्या 24 तासात विदर्भाचा तापमानाचा पारा हा 4ते 5 अंशांनी कमी होणार आहे. तसेच कोकण मध्य महाराष्ट्रातील तापमान 2 ते 4 अंश तापमान कमी होणार आहे. आणि येत्या 4 दिवसात राज्यात पुन्हा एकदा थंडीला सुरुवात होणार असल्याची माहिती हवामान विभागाने दिलेली आहे.
त्यामुळे 2025 हे नवीन वा वर्षाची सुरुवात गुलाबी थंडीने होणार आहे. राज्यात अनेक ठिकाणी कोरडे हवामान राहणार असल्याची शक्यता आहे. हिमाचल प्रदेश, राजस्थान, पंजाब, हरियाणा यासारख्या ठिकाणी आहे. आणि महाराष्ट्रातील हवामान देखील कोरडे राहणार आहे.
मागील दोन दिवस राज्यातील विविध भागांमध्ये हलक्या ते मध्यम स्वरूपाचा पाऊस पडलेला आहे. तसेच गारपिटीने देखील शेतकऱ्यांच्या पिकांचे नुकसान झालेले आहे. परंतु आज म्हणजेच 30 डिसेंबर रोजी तुरळक ठिकाणी ढगाळ वातावरण दिसणार आहे. आणि किमान तापमानमध्ये चढ-उतार होणार आहे. याबद्दलची माहिती भारतीय हवामान खात्याने व्यक्त केली आहे.
