नवी दिल्ली । Facebook चे नाव आता Facebook राहिले नाही, तर Meta झाले आहे. कंपनीचा केवळ चेहराच बदलला नाही तर चारित्र्य बदलण्यासाठीही पावले उचलण्यात आली आहेत. कंपनीने म्हटले आहे की, आम्हाला फक्त सोशल मीडिया प्लॅटफॉर्म मानले जाऊ नये, कारण आता आम्ही व्हर्च्युअल-रिअ‍ॅलिटी व्हिजन (Metaverse) बनण्याच्या दिशेने वाटचाल करत आहोत. यापूर्वी कंपनीचे नाव ‘‘Facebook First’’ होते, ते आता ‘‘Metaverse First’’ असे असेल. यासह आता शेअर बाजारात देखील कंपनीचे नाव (Symbol) बदलणार आहे.
FB यापुढे MVRS च्या नावाने ट्रेडिंग होणार नाही
अमेरिकन शेअर बाजारात फेसबुकचा शेअर FB च्या नावाने चालतो. ज्याला फेसबुकचे शेअर्स खरेदी करायचे किंवा विकायचे आहेत, ते त्याच्या ट्रेडिंग प्लॅटफॉर्मवर FB सर्च करतात. मात्र आता लोकांना FB ऐवजी MVRS सर्च लागणार आहे. कारण कंपनी आता Facebook वरून Meta Platforms Inc. झाली आहे. आता हा Symbol बदलण्यासाठी महिनाभराचा कालावधी लागणार आहे. हे बदल 1 डिसेंबरपासून होणार असल्याचे सांगण्यात येत आहे.
Meta सीईओ झुकेरबर्ग यांनी सांगितले की, इन्स्टाग्राम, व्हॉट्सअ‍ॅप आणि फेसबुकसह कंपनीच्या इतर अ‍ॅप्सचे नाव बदलले जाणार नाही. कंपनीच्या वतीने असे सांगण्यात आले आहे की, त्यांचे फायनान्शिअल रिपोर्टिंग रिअ‍ॅलिटी लॅब आणि फॅमिली ऑफ अ‍ॅप्स या दोन सेगमेंट्समध्ये विभागले जातील.
Meta या शब्दाचा अर्थ काय आहे ?
Meta हा ग्रीक शब्द ‘Beyond’ पासून आला आहे. Beyond चा शब्दशः अर्थ ‘पलीकडे’. कंपनी इंटरनेटमध्ये सोशल मीडियाच्या मर्यादे पलीकडे. मार्क झुकेरबर्ग म्हणतात की, त्यांची कंपनी अशी आहे की ती लोकांना जोडण्यासाठी तंत्रज्ञान बनवते. फेसबुकला Metaverse कंपनी म्हणून सादर करणे हा या बदलाचा उद्देश आहे.