नवी दिल्ली । व्हॉट्सअ‍ॅपने (WhatsApp updates) आपल्या नवीन अपडेटमध्ये अनेक खास फीचर्सचा समावेश केला आहे. जसे की डेस्कटॉप व्हर्जन, ज्यास आपण व्हॉट्सअ‍ॅप वेब देखील म्हणतो, त्यात ऑडिओ आणि व्हिडिओ कॉल, आयओएससाठी व्हॉइस अ‍ॅनिमेशन, व्हॉईस मेसेज रिसीप्ट इनेबल किंवा डिसएबल करण्याची क्षमता तसेच इंस्टाग्राम सारखे स्वयंचलितपणे डिलीट होणारे मेसेज किंवा इमेज समाविष्ट आहेत. व्हॉट्सअ‍ॅप बीटा फेज यातील काही फीचर्सची टेस्टिंग करीत आहे, जे लवकरच सर्व युझर्सना उपलब्ध होईल. चला तर मग व्हॉट्सअ‍ॅपच्या या अपडेटविषयी सविस्तरपणे जाणून घ्या-
Wabetainfo ने ट्विट केले
व्हॉट्सअ‍ॅप फीचर्स ट्रॅकर Wabetainfo ने ट्विट केले की, व्हॉट्सअ‍ॅप त्यांचे डेस्कटॉप व्हर्जन अपडेट करत आहे. व्हॉट्सअ‍ॅप, त्यांच्या डेस्कटॉप व्हर्जन 2.2104.10 मध्ये, व्हॉट्सअ‍ॅप वेब वापरणार्‍या युझर्सना ऑडिओ आणि व्हिडिओ कॉल करण्याची परवानगी देईल आणि बीटा फेज टेस्टिंग देखील अंतिम टप्प्यात आहे. लवकरच, युझर्सना हे फीचर्स वापरता येतील.
व्हॉट्सअ‍ॅप फीचर्स ट्रॅकर Wabetainfo च्या मते, आपण या वेब व्हर्जनमधील कॉल बटण दाबताच व्हॉट्सअ‍ॅप तुम्हाला वेगळ्या विंडोवर घेऊन जाईल. जिथे आपल्याला कॉलचे स्टेट्स आणि व्हिडिओ सपोर्ट मिळेल. या व्यतिरिक्त व्हॉट्सअ‍ॅप या अपडेटमध्ये स्वयंचलितपणे डिलीट होणारे मेसेजेस आणि पिक्चर फीचर्सही जोडले जात आहे. आपण स्वयंचलितपणे डिलीट केलेल्या छायाचित्रांचे स्क्रीनशॉट देखील घेऊ शकत नाही. ही फीचर्स व्हॉट्सअ‍ॅप इंस्टाग्राम डायरेक्टकडून घेण्यात आली आहेत.
त्याचबरोबर Mashable च्या एका अहवालानुसार व्हॉट्सअ‍ॅप iOS मध्ये एक नवीन व्हॉईस मेसेज अ‍ॅनिमेशनसह अनेक नवीन फीचर्सही जोडत आहेत आणि आपण रिसीव रिसीप्ट ऑन-ऑफ देखील करू शकता. या अहवालानुसार हे नवे व्हॉट्सअ‍ॅप अपडेट अ‍ॅपल अ‍ॅप स्टोअरमध्ये काही बदल घेऊन आले आहे.
हे कसे काम करेल
Mashable च्या मते त्यामध्ये अ‍ॅनिमेशन प्रोग्रेस बार जोडला गेला आहे. पाठविलेला ऑडिओ मसेज मिळाल्यावर आणि मसेज पूर्ण होताच, तो स्वयंचलितपणे सुरू होईल. तथापि, हे फीचर्स सध्या केवळ iOS आवृत्ती 13 आणि त्यावरील मॉडेलसाठी उपलब्ध आहेत.
यात आणखी एक फीचर्सह जोडले गेले आहे ज्यामध्ये आपण मिळालेला व्हॉईस मेसेज रिसीप्ट ऑफ करू शकता, जेणेकरून आपण हा व्हॉईस मेसेज ऐकला आहे की नाही हे समोरच्याला कळणार नाही. यासाठी तुम्हाला व्हॉट्सअ‍ॅप सेटिंग्जवर जाण्याची गरज आहे, अकाउंट आणि प्रायव्हसी मधील “read receipts” ऑप्शन बदलणे आवश्यक आहे. याव्यतिरिक्त व्हॉट्सअ‍ॅप त्याच्या फीचर्सह कस्टम थर्ड पार्टी अ‍ॅनिमेटेड स्टिकर्स देखील जोडू शकतो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.