हॅलो महाराष्ट्र ऑनलाइन | एकेकाळी पत्र हे दूरसंवादाचे एकमेव माध्यम होते. कालपरत्वे संवाद माध्यमांचे जाळे विस्तारत गेले आणि पत्र संस्कृती लोप पावली. पण संस्कृतीचा हा अमूल्य ठेवा काळाच्या पडद्याआड जाऊ न देण्याच्या उद्देशाने वर्डालय मिडीया हाऊसने खुल्या पत्रलेखन स्पर्धेचे आयोजन केले आहे.
समाजमाध्यमांचे वाढते प्रस्थ आणि सुलभ संवादमाध्यमे उपलब्ध झाल्याने पत्रांची देवाणघेवाण पूर्णतः थांबली आहे. पण, पत्रांत स्वतःच्या हातांनी ओतला जाणारा शब्दरूपी मायेचा ओलावा अन्य माध्यमांत अनुभवता येत नाही. त्यामुळे ही संस्कृती जपायला हवी. त्यासाठी वर्डालय मिडीया हाऊसने पुढाकार घेत लिहित्या हातांना बळ देण्यासाठी ही अनोखी स्पर्धा आयोजित केली आहे. ही स्पर्धा नि:शुल्क असून खुल्या स्वरुपात आहे. सहभागी होण्यासाठी १० ऑगस्ट २०२१ पूर्वी पत्र पाठविणे आवश्यक आहे.
पत्रातील मजकूर विषयानुरूप असावा, पत्रलेखन मराठी, हिंदी आणि इंग्रजी यापैकी कोणत्याही एकाच भाषेत असावे, पत्र टायपिंग फॉरमॅटमध्येच असणे अनिवार्य आहे. पत्र पाठविताना स्वतः चे पूर्ण नाव, वय, ठिकाण, ई-मेल पत्ता आणि संपर्क क्रमांक लिहिणे आवश्यक आहे. पत्र फक्त व्हाट्सॲप मेसेज किंवा मेलव्दारे पाठवावे. कृपया फोन करू नये. आयोजकांचा आणि परिक्षकांचा निर्णय अंतिम राहील. स्पर्धेच्या स्वरूपात बदल करण्याचे अधिकार आयोजकांनी राखून ठेवले आहेत.
https://www.instagram.com/p/CRMi8MNpwfi/?utm_medium=copy_link
विजेत्यांना रोख बक्षिसे, ग्रंथ आणि प्रमाणपत्र देण्यात येतील. प्रथम क्रमांकास १ हजार रुपये, द्वितीय क्रमांक ७०० रुपये आणि तृतीय क्रमांक पटकविणाऱ्यास ५०० रुपयांचे बक्षीस देण्यात येईल. त्याशिवाय वाचकांच्या पहिल्या पसंतीच्या पत्रास १००० रुपये रोख, ग्रंथ व प्रमाणपत्र दिले जाणार आहे.
…..
पत्रलेखनाचे विषय-
१)’पावसाला पत्र’
२)’महापुरुषाला पत्र’
३) ‘नकार दिलेल्या प्रियकर/प्रेयसीला पत्र’
४) ‘विठ्ठलाला पत्र’
५)’वृध्दाश्रमातून आपल्या मुलाला पत्र’
६)तुम्हाला आवडणाऱ्या कोणत्याही विषयाला पत्र’
यापैकी कोणत्याही एका विषयावर पत्र लिहून विहित मुदतीत पाठवावे.
असे आवाहन वर्डालय मिडीया हाऊसतर्फे करण्यात आले आहे.
……
पत्र कुठे पाठवाल?
संपर्क क्रमांक – 9321836215
• ई-मेल आयडी – [email protected]
