नवी दिल्ली । देशातील सर्वात मोठी सार्वजनिक बँक असलेली SBI आपल्या ग्राहकांना अनेक खास सुविधा पुरवते. जर तुम्ही देखील स्टेट बँक ऑफ इंडियामध्ये जन धन खाते उघडले असेल तर तुमच्यासाठी ही मोठी फायद्याची बातमी आहे. SBI बँक आपल्या जन धन खातेधारकांना 2 लाख रुपयांपर्यंतचे फायदे देत आहेत. ही योजना आर्थिक दृष्ट्या दुर्बल घटकांना आर्थिक सेवा, बँकिंग बचत आणि डिपॉझिट्स खाती, क्रेडिट, इन्शुरन्स, पेन्शनमध्ये परवडणाऱ्या पद्धतीने प्रवेश सुनिश्चित करते.
SBI रुपे जनधन कार्डची सुविधा बँकेकडून जन धन ग्राहकांना दिली जाते. या कार्डद्वारे बँक आपल्या ग्राहकांना 2 लाख रुपयांपर्यंतच्या ऍक्सिडेंटल इन्शुरन्स कव्हरची सुविधा देत आहे. या रुपे कार्डच्या मदतीने तुम्ही खात्यातून पैसे काढू शकता आणि खरेदीही करू शकता.
जन धन खात्याचे फायदे-
>> 6 महिन्यांनंतर ओव्हरड्राफ्टची सुविधा
>> 2 लाख रुपयांपर्यंतचे ऍक्सिडेंटल इन्शुरन्स कव्हर
>> 30,000 रुपयांपर्यंतचे लाईफ कव्हर, जे पात्रता अटींच्या पूर्ततेच्या अधीन राहून लाभार्थीच्या मृत्यूनंतर उपलब्ध आहे.
>> ठेवीवर व्याज मिळते.
>> खात्यासोबत फ्री मोबाईल बँकिंगची सुविधाही देण्यात आली आहे.
>> जन धन खाते उघडणाऱ्याला रुपे डेबिट कार्ड दिले जाते ज्यामधून तो खात्यातून पैसे काढू शकतो किंवा खरेदी करू शकतो.
>> जन धन खात्यातून इन्शुरन्स, पेन्शन प्रॉडक्ट्स खरेदी करणे सोपे आहे.
>> जन धन खाते असल्यास पीएम किसान आणि श्रमयोगी मानधन सारख्या योजनांमध्ये पेन्शनसाठी खाते उघडले जाईल.
>> देशभरात मनी ट्रान्सफरची सुविधा
>> सरकारी योजनांच्या लाभाचे थेट पैसे खात्यात येतात.
अशाप्रकारे उघडा खाते
तुम्हाला तुमचे नवीन जन धन खाते उघडायचे असेल तर तुम्ही जवळच्या बँकेत जाऊन हे काम सहजपणे करू शकता. यासाठी तुम्हाला बँकेत एक फॉर्म भरावा लागेल. त्यात नाव, मोबाईल नंबर, बँकेच्या शाखेचे नाव, अर्जदाराचा पत्ता, नॉमिनी व्यक्ती, व्यवसाय/रोजगार आणि वार्षिक उत्पन्न आणि अवलंबितांची संख्या, SSA कोड किंवा प्रभाग नंबर, गावाचा कोड किंवा शहर कोड इत्यादी द्याव्या लागतील.
ट्रान्सफरचा पर्याय आहे
आपल्याकडे बेसिक सेव्हिंग अकाउंट जन धन योजना खात्यात ट्रान्सफर करण्याचा पर्याय देखील आहे. ज्यांच्याकडे जन धन खाते आहे, त्यांना बँकेकडून RuPay PMJDY कार्ड मिळते. 28 ऑगस्ट 2018 पर्यंत उघडलेल्या जन धन खात्यांवर जारी केलेल्या RuPay PMJDY कार्डांसाठी इन्शुरन्सची रक्कम 1 लाख रुपये असेल. 28 ऑगस्ट 2018 नंतर जारी केलेल्या RuPay कार्डवर 2 लाख रुपयांपर्यंतचा ऍक्सिडेंटल कव्हर बेनिफिट मिळेल.