नवी दिल्ली । जर तुम्हाला मोठ्या गुंतवणुकीऐवजी छोट्या गुंतवणुकीत रस असेल तर पोस्ट ऑफिस पब्लिक प्रॉव्हिडंट फंड (PPF) योजनेबद्दल जाणून घ्या, जिथे तुम्ही दररोज 150 रुपये गुंतवून फक्त 20 वर्षांत 20 लाख रुपयांपेक्षा जास्त पैसे जमा करू शकता.रोजच्या खर्चातून काही अनावश्यक खर्च थांबवल्यास 100-150 रुपये रोजची बचत होऊ शकते. हे पैसे तुम्ही सरकारच्या छोट्या बचत योजनांमध्ये टाकले तर तुम्हाला मोठा फायदा मिळू शकतो.
जाणून घ्या 20 लाख रुपयांहून जास्तीची रक्कम कशी मिळवावी ?
जर तुमचे वय 25 वर्षे असेल तर लहान रकमेमध्ये मोठा रिटर्न मिळवण्याची ही सर्वोत्तम संधी आहे. तज्ज्ञांचे म्हणणे आहे की, जर तुमचे उत्पन्न 30-35 हजार रुपयांपर्यंत असेल तर इतर कोणत्याही बचतीव्यतिरिक्त, सुरुवातीला तुम्ही दररोज 100-150 रुपये वाचवू शकता. ही बचत तुम्हाला 45 व्या वर्षी 20 लाख रुपयांपेक्षा जास्तीचा फंड देऊ शकते, ज्यामुळे तुम्ही काम करताना तुमच्या मोठ्या गरजा सहजपणे पूर्ण करू शकाल.
>> जर तुम्ही दररोज 150 रुपयांची बचत करण्याच्या उद्देशाने PPF मध्ये गुंतवणूक केली तर ते मासिक 4500 रुपये होईल.
>> दरमहा 4500 रुपयांची गुंतवणूक केल्यास वार्षिक 54 हजार रुपयांची गुंतवणूक होईल.
>> त्याच वेळी, 20 वर्षांमध्ये एकूण गुंतवणूक 10.80 लाख रुपये असेल.
>> 7.1 टक्के वार्षिक चक्रवाढीच्या बाबतीत, यामध्ये तुम्हाला 20 वर्षांत 20 लाखांपेक्षा जास्त फंड तयार होईल.
PPF खात्याचे फायदे
>> हे खाते फक्त 100 रुपयांमध्ये उघडता येते. जॉईंट अकाउंट देखील उघडता येते.
>> त्यात फक्त खाते उघडतानाच नॉमिनेशनची सुविधा आहे. 15 वर्षांचा मॅच्युरिटी कालावधी पूर्ण झाल्यानंतरही तो 2 वेळा 5-5 वर्षांसाठी वाढवता येतो.
>> यातून मिळणारे उत्पन्न टॅक्स फ्री आहे. तिसर्‍या आर्थिक वर्षापासून खात्यावर कर्जही घेता येते. बँका, पोस्ट ऑफिस तुम्हाला PPF खाते उघडण्याची सुविधा देतात. हे खाते 15 वर्षांसाठी उघडता येते, जे आणखी 5 वर्षांसाठी वाढवता येते.
>> सध्या, PPF वर 7.1 टक्के व्याजदर आहे, जो वार्षिक चक्रवाढ आहे. PPF मध्ये किमान 100 रुपयांमध्ये खाते उघडता येते. यामध्ये एका आर्थिक वर्षात किमान 500 रुपयांची गुंतवणूक करणे आवश्यक आहे. त्याच वेळी, तुम्ही एका वर्षात खात्यात जास्तीत जास्त 1.5 लाख रुपये गुंतवू शकता.