कराड | कोयना वसाहत (ता. कराड) येथील गोपाळवाडी येथे नारळाच्या झाडावरून पडून 25 वर्षीय युवकाचा मृत्यू झाल्याची दुर्दैवी घटना शुक्रवारी घडली. या घटनेने गोपाळवाडीसह परिसरात शोककळा पसरली आहे.
पोलिसांकडून मिळालेल्या माहितीनुसार, कराड- मलकापूर शहरालगत कोयना वसाहत ग्रामपंचायत आहे. या गावच्या हद्दीत राहुल प्रकाश चव्हाण हा युवक गोपाळवाडीत कुटुंबियांच्यासह वास्तव्यास आहे. तो लाहोटीनगर येथे शुक्रवारी नारळाच्या झाडा चढला होता. मात्र, अचानक तो झाडावरून पडल्याने त्याचा मृत्यू झाला. राहुल याची घरची परिस्थिती बेताची असल्याने तो मिळेल ते काम करत असत.
शुक्रवारी सकाळी 9 ते 10 वाजण्याच्या दरम्यान लाहोटी नगर परिसरात नारळाच्या झाडावर नारळ काढण्यासाठी ते चढला असताना, तो झाडावरून खाली पडल्याने गंभीर जखमी झाला. डोक्याला मार लागल्याने त्यांचा मृत्यू झाला. त्याच्या पश्चात आई-वडील, पत्नी, तीन मुले एक भाऊ असा परिवार आहे. दरम्यान, घरातील कर्त्या व्यक्तीचा मृत्यू झाल्याने त्यांच्या कुटुंबावर मोठा आघात झाला आहे.