सातारा प्रतिनिधी | शुभम बोडके
सातारा जिल्ह्यात शनिवारी रात्री उशिरा आलेल्या कोरोना तपासणीत रिपोर्टमध्ये 1 हजार 124 जण बाधित आढळले आहेत. कोरोनाचा पाॅझिटीव्ह रेट 28. 82 टक्क्यांवर गेल्याने चितेंचे वातावरण कायम आहे. मात्र पाॅझिटीव्ह रेट काहीशा प्रमाणात कमी होताना दिसत आहे.
गेल्या चोवीस तासात सातारा जिल्ह्यात 3 हजार 900 लोकांची कोरोना तपासणी करण्यात आली होती. त्यापैकी 1 हजार 124 लोक बाधित आढळून आले आहेत. आजच्या अहवालात पाॅझिटीव्ह रेट 29 टक्क्यांजवळ आला आहे, दोन दिवासापूर्वी पाॅझिटीव्ह रेट 33 टक्क्यांवर होता, तो आता काहीशा प्रमाणात खाली आला आहे.
शनिवारी दिवसभरात 1052 रूग्ण कोरोनामुक्त झाले आहेत. तर 4 जणाचा मृत्यू झाला आहे. काल सायंकाळी जिल्ह्यात विविध ठिकाणी 7664 रूग्ण सक्रीय होते. तर केवळ 326 रूग्ण रूग्णालयात उपरार्थ आहेत.