हॅलो महाराष्ट्र ऑनलाईन । आयसीआयसीआय होम फायनान्स (ICICI Home Finance) ने बुधवारी कुशल व्यावसायिकांसाठी ‘अपना घर ड्रीम्ज’ (Apna Ghar Dreamz) ही मायक्रो लोन योजना सुरू केली. जे लोक अनौपचारिक क्षेत्रात काम करतात, ते घर घेण्यासाठी 2 लाख रुपयांपासून 50 लाख रुपयांपर्यंतचे गृह कर्ज घेऊ शकतात. कंपनीचे म्हणणे आहे की,’ आम्हाला अनौपचारिक क्षेत्रात काम करणार्‍या लोकांची घरे खरेदी करण्याचे स्वप्न पूर्ण करायचे आहे.’
किती गृह कर्ज उपलब्ध असेल ?
‘अपना घर ड्रीम्ज’ या योजनेंतर्गत कर्ज मिळण्यासाठी ग्राहकाच्या बँकेत किमान 1500 रुपये शिल्लक असणे आवश्यक आहे. या आधारावर 5 लाखांपर्यंतच्या कर्जासाठी अर्ज करता येऊ शकतात. 5 लाखांपेक्षा मोठे कर्ज घेण्यासाठी बँक खात्यात 3000 रुपये शिल्लक असणे आवश्यक आहे. कंपनी म्हणाली,’ प्रधानमंत्री आवास योजना (PMAY) च्या सर्व फायद्याचा लाभ ग्राहक घेऊ शकतात. ही एक क्रेडिट-लिंक्ड सब्सिडी योजना (CLSS) आहे
ICICI Home Finance चे व्यवस्थापकीय संचालक आणि मुख्य कार्यकारी अधिकारी अनिरुद्ध कामानी म्हणाले,” आता असे दिवस आले आहेत जेव्हा तुम्हाला गृह कर्ज घेण्यासाठी पुष्कळ कागदपत्रांची गरज होती. या नवीन योजनेंतर्गत कर्ज घेणार्‍यांना कर्ज घेण्यासाठी पॅनकार्ड, आधार कार्डाचा तपशील आणि मागील सहा महिन्यांचे बँक स्टेटमेंट दाखवावे लागेल.
कोण कर्ज घेऊ शकेल?
कंपनीने म्हटले आहे की,’ कुशल व्यावसायिकांमध्ये Carpenters, प्लंबर्स, इलेक्ट्रीशियन, टेलर, पेंटर्स, वेल्डर, ऑटो मेकॅनिक, मॅन्युफॅक्चरिंग मशीन ऑपरेटर, संगणक मेकॅनिक, आरओ रिपेयर टेक्नीशियन, छोटे आणि मध्यम व्यवसायीचे मालक आणि किराणा दुकान मालक यासारख्या अनौपचारिक कामगारांचा समावेश आहे.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.