7 Th Pay Commission | जे केंद्रीय सरकारी कर्मचारी आहेत. त्यांच्यासाठी ही एक अतिशय आनंदाची बातमी आहे. कारण आता सरकारने रिटायरमेंट ग्रॅच्युएटी आणि डेथ ग्रॅज्युएटीची देखील मर्यादा 25% वाढवली आहे. त्यामुळे आता ही मर्यादा 20 लाखांवरून 25 लाख एवढी झालेली आहे. यामुळे आता कर्मचाऱ्यांना खूप जास्त फायदा होणार आहे.
लोकसभा निवडणुकीच्या आधीच केंद्र सरकारने कर्मचाऱ्यांच्या डीएमध्ये (7 Th Pay Commission) वाढ केली होती. त्यानंतर महागाई भत्ता 4 टक्क्यांनी वाढ केल्यानंतर आता केंद्र सरकारने कर्मचाऱ्यांच्या डीए मूळ वेतनाच्या 50% केलेला होता. परंतु त्यानंतर रिटायरमेंट आणि डेथ ग्रॅच्युएटीमध्ये देखील वाढ करणे अपेक्षित होतं. त्यामुळे आता सरकारने या ग्रॅच्युएटीमध्ये देखील वाढ करण्याचा निर्णय घेतलेला आहे.
या कर्मचाऱ्यांना होणार फायदा | 7 Th Pay Commission
1 जानेवारी 2024 नंतर जे कर्मचारी निवृत्त होतील, त्या कर्मचाऱ्यांना याचा फायदा होणार आहे. केंद्रीय कर्मचाऱ्यांच्या महागाई भत्त्यामध्ये या आधी सरकारने 4 टक्के वाढ केली होती. त्यानंतर त्यांचा डीए 50 टक्केपर्यंत देखील वाढवण्यात आलेला होता. यापूर्वी संदर्भात गेल्या महिन्यात 30 एप्रिल रोजी घोषणा करण्यात आली होती. परंतु 7 मे रोजी ती घोषणा थांबवण्यात आली. त्यामुळे आता पेमेंट ऑफ ग्रॅच्युएटी 1972 नुसार एखाद्या कर्मचाऱ्यांनी जर एका संस्थेत सलग पाच वर्ष काम केले. असेल तर त्याला या ग्रॅच्युएटीचा लाभ घेता येणार आहे.
मार्चमध्ये होणार महागाई भत्त्यात वाढ
केंद्र सरकारने मार्च महिन्यामध्ये कर्मचाऱ्यांच्या महागाई भत्ता 4 टक्क्यांनी वाढ केली होती. त्यानंतर त्यांचा डीए देखील 50% नी वाढवला होता. या वाढीनंतर केंद्रीय कर्मचारी आणि पेन्शनधारकांना महागाईपासून दिलासा मिळालेला आहे.