नवी दिल्ली । केंद्र सरकारने केंद्रीय कर्मचाऱ्यांना दिवाळी भेट दिली आहे. खरेतर, केंद्रीय कर्मचार्‍यांसाठीचा महागाई भत्ता मूळ वेतनाच्या (Basic Salary) 28 टक्क्यांवरून 31 टक्के करण्यात आला आहे आणि तो 1 जुलै 2021 पासून लागू करण्यात आला आहे.
अर्थ मंत्रालयाच्या अंतर्गत येणाऱ्या खर्च विभागाने (Department of Expenditure) म्हटले आहे की,’मूळ वेतन म्हणजे 7 व्या वेतन आयोगानुसार मिळणारे वेतन. यात इतर कोणतेही खास वेतन किंवा भत्ता समाविष्ट नाही. व्यय विभागाने 25 ऑक्टोबर 2021 रोजी जारी केलेल्या कार्यालयीन माहितीमध्ये म्हटले आहे की, केंद्र 1 जुलै 2021 पासून सरकारी कर्मचाऱ्यांना देय असलेला महागाई भत्ता मूळ वेतनाच्या सध्याच्या 28 टक्क्यांवरून 31 टक्क्यांपर्यंत वाढवला जाईल.
सशस्त्र दल-रेल्वे कर्मचाऱ्यांसाठी स्वतंत्र आदेश जारी केला जाईल
DA मधील ही वाढ संरक्षण सेवेतून पगार मिळवणाऱ्या नागरी कर्मचाऱ्यांनाही लागू होईल. त्याच वेळी, सशस्त्र दलातील कर्मचारी आणि रेल्वे कर्मचाऱ्यांच्या संदर्भात संरक्षण आणि रेल्वे मंत्रालय स्वतंत्र आदेश जारी करतील. केंद्रीय मंत्रिमंडळाने गेल्या आठवड्यात सरकारी कर्मचाऱ्यांसाठी महागाई भत्ता (DA) आणि पेन्शनधारकांसाठी महागाई सवलत (DR) मध्ये 3 टक्के वाढ करण्यास मंजुरी दिली होती.
महागाई भत्ता वाढीमुळे सरकारी तिजोरीवर 9,488.70 कोटींचा बोझा
केंद्र सरकारच्या या निर्णयाचा थेट फायदा सुमारे 47.14 लाख केंद्रीय कर्मचारी आणि 68.62 लाख पेन्शनधारकांना होणार आहे. या वर्षी जुलैमध्येच महागाई भत्त्याचा दर 17 टक्क्यांवरून 28 टक्के करण्यात आला होता. आता त्यात पुन्हा एकदा तीन टक्क्यांनी वाढ करण्यात आली आहे. त्यामुळे सरकारी कर्मचाऱ्यांचा DA चा दर 31 टक्क्यांवर गेला आहे. केंद्रीय मंत्री अनुराग सिंह ठाकूर यांनी अलीकडेच सांगितले होते की, महागाई भत्ता आणि महागाईच्या सवलतीमुळे सरकारी तिजोरीवर एकूण 9,488.70 कोटी रुपयांचा परिणाम होईल.
DA किती वाढणार?
जर तुमचा मूळ पगार 18,000 रुपये असेल, तर तुम्हाला सध्या 28 टक्के दराने 5,030 रुपये DA मिळत आहे. आता त्यात 3 टक्क्यांनी वाढ झाली आहे. आता तुम्हाला 31 टक्के दराने 5,580 रुपये DA मिळेल. दुसऱ्या शब्दांत, जर कर्मचाऱ्यांचे मूळ वेतन 18000 रुपये असेल तर DA मध्ये 540 रुपयांची वाढ होईल. तुमचा मूळ पगार जितका जास्त असेल तितका DA जास्त असेल.