मुंबई शहरातील वाहतूक कोंडी कमी करण्यासाठी आणि मुंबईकरांना सोयीची रेल्वे सेवा पुरवण्यासाठी एक महत्वाचा मेट्रो मार्ग विकसित केला जात आहे. ठाणे-भिवंडी-कल्याण मेट्रो मार्ग प्रकल्प मुंबईतील प्रवाशांना जलद आणि सुलभ प्रवासाची सुविधा प्रदान करणार आहे.
या मार्गाची लांबी 24.90 किलोमीटर (सुमारे 25 किलोमीटर) असून, एकूण 15 स्थानके विकसित केली जाणार आहेत. या मार्गावरून ठाणे, भिवंडी आणि कल्याण दरम्यान जलद गतीने प्रवास करता येईल. मेट्रो मार्गाचा पहिला टप्पा ठाणे ते भिवंडी दरम्यान कनेक्टिव्हिटी उपलब्ध करून देईल, ज्यामुळे भिवंडीतील लोकांना ठाणे आणि मुंबईकडे प्रवास करणे सोपे होईल.
या प्रकल्पाला वळण मिळाल्यानंतर, मध्य रेल्वेच्या मार्गाशी आणि अन्य मेट्रो मार्गांसोबत कनेक्टिव्हिटी मिळवून अधिक सुविधा मिळवली जाईल. सध्या सुरू असलेल्या मेट्रो मार्ग 4 आणि प्रस्तावित मेट्रो मार्ग 12 या मेट्रो मार्गांच्या कनेक्टिव्हिटीमुळे प्रवाशांना अधिक आरामदायक आणि जलद सेवा मिळणार आहे.
विकसित होणारी 15 स्थानके पुढीलप्रमाणे :
- बाळकुम नाका
- कशेली
- काल्हेर
- पूर्णा
- अंजुरफाटा
- धामणकर नाका
- भिवंडी
- गोपाळ नगर
- टेमघर
- रजनोली
- गोव गाव
- कोन गाव
- लाल चौकी
- कल्याण स्टेशन
- कल्याण एपीएमसी
या प्रकल्पाच्या कामाची सुरुवात 2019 मध्ये झाली होती, आणि प्रकल्पाचे पूर्ण होण्याचे उद्दीष्ट 2022 होते. मात्र, काही कारणास्तव डेडलाइन पुन्हा वाढवून 31 मार्च 2025 पर्यंत हा प्रकल्प पूर्ण होईल, आणि त्यानंतर वाहतूक सेवा सुरू होईल.
