हॅलो महाराष्ट्र ऑनलाईन । मारुती सुझुकी इंडियाने (Alto K10 vs Alto 800) अलीकडेच आपली नवीन ऑल्टो K10 भारतीय बाजारपेठेत लाँच केली आहे. ही कंपनीची दुसरी सर्वात किफायतशीर कार ठरली आहे. तर दुसरीकडे मारुतीची अल्टो 800 ही मारुतीची सर्वात स्वस्त कार आहे. जर तुम्हाला 5 लाख रुपयांच्या बजेटमध्ये कार खरेदी करायची असेल, तर तुमच्यासाठी Alto K10 आणि Alto 800 एक उत्तम पर्याय असू शकतात. परंतु या दोन्हीमध्ये नक्की कोणती गाडी खरेदी करावी असा संभ्रम तुमच्या मनात असेल तर आज येथे या दोन कारची तुलना करूया आणि मग तुम्हीच ठरवा की यातील कोणती गाडी खरेदी करायची आहे.
डिझाईन –
नवीन मारुती अल्टो K10 पूर्णपणे नवीन (Alto K10 vs Alto 800) डिझाइनमध्ये लॉन्च करण्यात आली आहे. अल्टो K10 आता Alto 800 पेक्षा मोठी आणि अधिक स्टाइलिश दिसते. Alto K10 चे डिझाईन नवीन Celerio द्वारे प्रेरित आहे, ज्यामुळे कारचे काही डिझाइन Celerio सारखे दिसते. Alto K10 ला पूर्वीपेक्षा मोठी हनीकॉम्ब ग्रिल मिळते. याशिवाय यात नवीन डिझाइन हेडलाईट आणि टेल लाईट देण्यात आली आहे. तथापि, नवीन Alto K10 मध्ये 13-इंच स्टीलची चाके देखील आहेत जी कव्हरसह येतात.
आकार – (Alto K10 vs Alto 800)
नवीन Alto K10 पूर्वीपेक्षा रुंद आणि लांब आहे. अल्टो 800 ची लांबी 3445 मिमी, रुंदी 1490 मिमी आणि उंची 1520 मिमी आहे. तर दुसरीकडे नवीन अल्टो K10 ची लांबी 3530 मिमी, रुंदी 1490 मिमी आणि उंची 1520 मिमी आहे आणि तिचा व्हीलबेस 2380 मिमी आहे.
इंजिन आणि मायलेज –
गाडीच्या इंजिन बाबत बोलायचं झाल्यास, (Alto K10 vs Alto 800) नवीन मारुती K10 मध्ये 1.0L पेट्रोल इंजिन देण्यात आले आहे. हे इंजिन 66 bhp ची कमाल पॉवर आणि 89 Nm पीक टॉर्क जनरेट करू शकते. हे इंजिन 5-स्पीड मॅन्युअल किंवा AMT गिअरबॉक्ससह देण्यात आले आहे. ही कार 24 kmpl चे मायलेज देते. तर दुसरीकडे, Alto 800 ला एक लहान 796 cc पेट्रोल इंजिन मिळते जे 47 Bhp पॉवर आणि 69 Nm पीक टॉर्क देते. ही कार पेट्रोल वर 22.05 kmpl चे मायलेज देते, तर CNG सह 31.59 kmpl मायलेज देते.
फीचर्स –
गाड्यांच्या फीचर्स बाबत सांगायचं झाल्यास , (Alto K10 vs Alto 800) नवीन मारुती अल्टो K10 अल्टो 800 पेक्षा खूप अधिक वैशिष्ट्यांसह येते. यात मोठी स्मार्टप्ले टचस्क्रीन इन्फोटेनमेंट सिस्टीम, पॉवर विंडो, स्टीयरिंग माउंटेड कंट्रोल्स, नवीन इन्स्ट्रुमेंट कन्सोल यांसारखी वैशिष्ट्ये आहेत. Alto 800 मधेही सर्व आवश्यक फीचर्स आहेत परंतु यामध्ये आधुनिक वैशिष्ट्यांचा अभाव आहे.
सेफ्टी फीचर्स –
सेफ्टी फीचर्स बाबत बोलायचं झाल्यास, नवीन Alto K10 मध्ये दोन फ्रंट एअरबॅग्ज, इलेक्ट्रॉनिक ब्रेक फोर्स डिस्ट्रिब्युशन (EBD) सह अँटी-लॉक ब्रेकिंग सिस्टम (ABS), प्री-टेन्शनर आणि फोर्स लिमिटर फ्रंट सीट बेल्ट्स, रिव्हर्स पार्किंग सेन्सर्स मिळतील. Alto K10 ला सर्व प्रकारांमध्ये मानक म्हणून दोन एअरबॅग मिळतात. तर दुसरीकडे Alto 800 मध्ये फक्त ड्रायव्हर एअरबॅग मिळते. Alto 800 च्या Std आणि LXi व्हेरियंटमध्ये एअरबॅग्ज पर्यायी आहेत, तर दोन एअरबॅग फक्त VXi वरच्या व्हेरियंटमध्ये मानक म्हणून ऑफर केल्या जातात.
दोन्ही गाड्यांच्या किमती किती ?
Alto K10 ची किंमत 3.99 लाख रुपयांपासून ते 5.84 लाख रुपयांपर्यंत आहे. त्याच वेळी, अल्टो 800 ची किंमत 3.39 लाख ते 5.03 लाख रुपये दरम्यान आहे.
हे पण वाचा :
Honda Car : Honda च्या या गाड्यांवर 63,000 रुपयांपर्यंत बंपर सूट; तुम्हीही घ्या फायदा
Maruti Suzuki Cars : Maruti Suzuki च्या या गाड्यांवर बंपर डिस्काउंट; तुम्हीही घ्या फायदा
Maruti Ertiga CNG : Maruti Suzuki च्या या CNG कारला ग्राहकांची मोठी मागणी; खास कारण काय?
Tata Blackbird SUV : Tata Motors लॉन्च करणार ब्लॅकबर्ड SUV; Hyundai Creta ला देणार थेट टक्कर
Electric SUV : लवकरच बाजारात येणार देशी इलेक्ट्रिक SUV; एका चार्जवर 500 किमी धावणार