हॅलो महाराष्ट्र ऑनलाइन । ओमानच्या आखातात देशातील लष्करी अभ्यासादरम्यान इराणच्या नौदलाने चुकून आपल्याच जहाजावर क्षेपणास्त्र डागल्याने १९ नौदल जवान शहीद झाले तर १५ जण जखमी झाले आहेत. इराणच्या सैन्याने ही माहिती दिली. सरकारी दूरचित्रवाणीवरील वृत्तानुसार, रविवारी जासाक बंदराजवळ सैनिकी सरावादरम्यान हेंडिजन-क्लास सपोर्ट क्षेपणास्त्र कोणार्क जहाजावर पडले.
अधिकृत वृत्तसंस्था ‘आरएनए’ च्या वृत्तानुसार, नौदलाच्या १२ जवानांना स्थानिक रुग्णालयात दाखल करण्यात आले आहे तर अन्य तिघांनाही किरकोळ जखमा झाल्या आहेत. सरकारी दूरचित्रवाणीनुसार, कोणार्क टार्गेटच्या अगदी जवळ होता. कोणार्क समुद्रावर इतर जहाज्यांचा शोध काढत होता.ते म्हणाले की हे क्षेपणास्त्र चुकून पडले.
इराण नेव्हीचे हे जहाज १९८८ मध्ये हॉलंडकडून खरेदी केल्यानंतर २०१८ मध्ये ते अपग्रेड केले गेले. या जहाजाची लांबी ४७ मीटर आहे. ज्यामध्ये २० खलाशांचा एक दल होता. इराणनेही या जहाजाचा उपयोग समुद्रकिनारी भागात गस्त घालण्यासाठी केला होता.
या भागात तैनात असलेल्या अमेरिकेच्या नौदलाच्या ५ व्या डिव्हिजन कोणतीही प्रतिक्रिया दिली नाही.जगातील सुमारे २०% तेल हे होर्मूझच्या या आखातामधून येते आणि इराण नेहमीच या प्रदेशात आपले वर्चस्व वाढवण्यासाठी सतत नौदलाचा वापर करत असतो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
