राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
सावधान ! जर चुकवत असाल Credit Card चे बिल तर द्यावे लागेल प्रचंड व्याज; यासाठीचा नियम काय आहे ते जाणून घ्या
हॅलो महाराष्ट्र ऑनलाईन । डिजिटल पेमेंट आणि कॅशलेस व्यवहाराच्या युगात, क्रेडिट कार्डचा वापर सामान्य झाला आहे. कॅश किंवा खात्यात पैसे नसले तरीही क्रेडिट कार्डमधून पेमेंट दिले जाऊ शकते. मात्र आपण क्रेडिट कार्ड भरपूर वापरत असाल आणि केवळ मिनिमम पेमेंट देत असाल तर ते धोकादायक असल्याचे सिद्ध होऊ शकते. आपल्यासाठी ते किती धोकादायक आहे ते जाणून घेउयात…
हे समजून घ्या: जर आपण आपल्या क्रेडिट कार्डद्वारे 10 हजार रुपये खर्च केले तर आपल्याकडे कमीतकमी 500 रुपये मिनिमम अमाउंट ड्यू देण्याचा पर्यायदेखील उपलब्ध आहे असे मानत असाल तर आपण त्या जाळ्यात अडकले आहात हे समजा. आपण क्रेडिट कार्ड वापरत असाल तर आपल्याकडे तीन पर्याय आहेत.
एका वर्षात 40% पर्यंत व्याज आकारला जातो: पहिला पर्याय म्हणजे पूर्ण पेमेंट देणे, दुसर्‍या पर्यायात कमीतकमी रक्कम म्हणजे 5% रक्कम देण्याचा पर्याय आहे. किमान देय रकमेच्या बाकीच्या 95% रकमेवर व्याज आकारले जाते. MAD ही एक कार्ड कंपन्यांद्वारे दिली जाणारी योजना आहे, ज्यामध्ये आपण संपूर्ण रकमेऐवजी 5 टक्के बिल भरू शकता. पुढील बिलिंग पीरियडमध्ये ते 3-4% व्याजसह येते. हे एका वर्षात 40% पेक्षा जास्त असू शकते.
मिनिमम पेमेंट कसे करावेः जर आपण एका बिलिंग पीरियडमध्ये क्रेडिट कार्ड जास्त प्रमाणात वापरत असाल तर अधिकचे बिले येणे हे आपल्यासाठी स्वाभाविकच आहे. जेव्हा आपण केवळ पूर्ण पेमेंट नाही तर मिनिमम पेमेंट देणे देखील चुकवतो तेव्हा खरी समस्या सुरू होते. यावर तुम्हाला हजार रुपयांपर्यंत दंड भरावा लागू शकतो. मात्र क्रेडिट कार्ड धारकाने मिनिमम पेमेंट देणे टाळले पाहिजे. यामागचे कारण असे आहे की, एकदा आपण मिनिमम पेमेंट दिल्यास उर्वरित शिल्लक तुमच्या पुढील बिलात येईल आणि त्यावर व्याजही कायम राहील.
बिलिंग पीरियड काय आहे: समजा तुमचे क्रेडिट कार्ड प्रत्येक महिन्याच्या 10 तारखेला आले तर आपला नवीन महिना 11 तारखेपासून सुरू होईल आणि पुढील महिन्याच्या 10 तारखेपर्यंत चालू राहील. यावेळी, आपण केलेले व्यवहार आपल्या बिलात प्रतिबिंबित होतील. यात शॉपिंगचे पेमेंट आणि इतर सर्व खर्चाचा समावेश असू शकतो.