हॅलो महाराष्ट्र ऑनलाईन। (Bigg Boss OTT 3) गेल्या बऱ्याच महिन्यांपासून ‘बिग बॉस ओटीटी’च्या तिसऱ्या पर्वाबाबत प्रेक्षकांची उत्सुकता ताणली गेली आहे. हे तिसरं पर्व कधी येणार?, येणार आहे की नाही? अशा बऱ्याच चर्चा झाल्या. अखेर आता ‘बिग बॉस ओटीटी ३’ प्रेक्षकांच्या भेटीसाठी सज्ज झाल्याचे समोर आले आहे. अलीकडेच ‘बिग बॉस ओटीटी’च्या तिसऱ्या पर्वाचा प्रोमो रिलीज झाला आहे. यंदाचा हा सिझन एकदम हटके, वेगळा आणि बदलेला असणार आहे. यावेळी बिग बॉस ओटीटीच्या तिसऱ्या पर्वाचा होस्ट सुद्धा बदलला आहे. यावेळी भाईजान नव्हे तर झक्कास अभिनेता अनिल कपूर स्पर्धकांची शाळा घेणार आहेत.
प्रोमो रिलीज (Bigg Boss OTT 3)
सोशल मीडियावर ‘जिओ सिनेमा’च्या अधिकृत इंस्टाग्राम हॅण्डलवर ‘बिग बॉस ओटीटी’च्या तिसऱ्या पर्वाचा नवा प्रोमो शेअर करण्यात आला आहे. ज्याच्या कॅप्शनमध्ये लिहिलं आहे की, ‘मौसम बदलेगा, तापमान बदलेगा. एक के आने से, अब सब बदलेगा’. या प्रोमोमध्ये अभिनेता सलमान खानऐवजी अभिनेता अनिल कपूर यंदाच्या पर्वाचे होस्टिंग करणार आहेत, हे स्पष्ट झाले आहे. त्यामुळे यंदा बिग बॉस ओटीटी ३’मध्ये भाईजानची जागा अनिल कपूर घेणार असल्याने काहीतरी हटके पहायला मिळेल.
सोशल मीडियावर व्हायरल झालेल्या प्रोमोमध्ये अभिनेता अनिल कपूर यांचा हटके अंदाज पहायला मिळतोय. अनिल कपूर यांची जबरदस्त एंट्री यावेळी बिग बॉस ओटीटी सीजन ३’साठी आकर्षणाची बाब ठरणार आहे. (Bigg Boss OTT 3) ‘बिग बॉस ओटीटी ३’चा प्रोमो रिलीज झाल्यापासून प्रेक्षकांमध्ये नव्या सिजनबाबतची उत्सुकता आणखीच वाढल्याचे बोलले जात आहे. अनेकांनी या प्रोमोवर विविध प्रतिक्रिया देत आपला आनंद व्यक्त केला आहे. तिसऱ्या पर्वात अनिल कपूर यांची एंट्री एक वेगळा उत्साह घेऊन आल्याचे अनेकांचे म्हणणे आहे.
कधी रिलीज होणार?
‘बिग बॉस ओटीटी’चे तिसरे पर्व येत्या २१ जून २०२४ पासून रात्री ९.०० वाजता ‘जिओ सिनेमा’ या ओटीटी प्लॅटफॉर्मवर पाहता येणार आहे. मागील दोन पर्व जिओ सिनेमावर मोफत पहायला मिळाले. (Bigg Boss OTT 3) मात्र, यावेळी जर तुम्हाला बिग बॉस ओटीटीचे तिसरे पर्व पहायचे असेल तर तुम्हाला त्यासाठी पैसे मोजावे लागणार आहेत. सध्या सोशल मीडियावर बिग बॉस ओटीटीच्या तिसऱ्या पर्वाचा प्रोमो जबरदस्त व्हायरल होत आहे. जो पाहून प्रेक्षकांची उत्सुकता आणखीच वाढू लागली आहे.