हॅलो महाराष्ट्र ऑनलाईन । देशातील सायबर सिक्युरिटी एजन्सीने अँड्रॉइड मालवेअर ‘ब्लॅकरॉक’ (BlackRock) संदर्भात एक अलर्ट जारी केला आहे. या मालवेअरच्या मदतीने अँड्रॉइड युझर्सच्या स्मार्टफोनमधून बँकिंग तसेच अन्य महत्त्वाचा डेटा चोरीला जाऊ शकतो अशी शक्यता आहे. कॉम्प्यूटर इमर्जन्सी रिस्पॉन्स टीम ऑफ इंडियाने (CERT-In) अ‍ॅडवायजरीत म्हटले आहे की, अँड्रॉइड मालवेयर क्रेडिट कार्डसह ई-मेल, ई-कॉमर्स अ‍ॅप्स, सोशल मीडिया अ‍ॅप्ससह 300 हून अधिक अ‍ॅप्सवरून माहिती चोरी करू शकते. CERT-In हे भारताचे राष्ट्रीय तंत्रज्ञान एकक आहे, जे सायबर हल्ल्याविरुद्ध लढण्यासाठी आणि भारतीय सायबर स्पेस वाचविण्याचे काम करते. या अ‍ॅडवायजरीत असे म्हटले गेले आहे की, ब्लॅकरॉक मालवेयर हा ‘ट्रोजन’ प्रकारातील एक व्हायरस आहे, जो जगभरात अ‍ॅक्टिव आहे. काही दिवसांपूर्वीच नेदरलँड्सच्या एका एजन्सीने या मालवेअरबद्दल अलर्ट केले होते.
या सायबर सिक्युरिटी एजन्सीने म्हटले आहे की, ‘हे मालवेअर झेरक्सिज बँकिंग मालवेअरच्या मदतीने विकसित केले गेले आहे, जे स्वतः लोकीबॉट अँड्रॉइड ट्रोजनवर आधारित आहे.’ या मालवेयर बद्दल सर्वात धोकादायक गोष्ट अशी आहे की हे एकाच वेळी 337 अ‍ॅप्सना टार्गेट करते. त्यात फायनान्शिअल अ‍ॅप्सपासून ते सोशल मीडियापर्यंतच्या सर्वात लोकप्रिय अ‍ॅप्सची लिस्ट आहे. यात नेटवर्किंग आणि डेटिंग प्लॅटफॉर्मचा देखील समावेश आहे.
हा अ‍ॅप माहिती कशी चोरतो?
अ‍ॅडवायजरीत सांगितले आहे कि, ‘जेव्हा हे मालवेअर एखाद्याच्या डिव्हाइसवर लाँच केले जाते, तेव्हा हा अ‍ॅप आपला आयकॉन ड्रॉवरमधून लपवतो आणि नंतर ते आपले Google अपडेट म्हणून स्वतःस दर्शवितो, जे बनावट आहे. Google अपडेटच्या नावावर, तो मालवेयर अ‍ॅक्सेसीबीलिटीसाठी विचारतो. एकदा परवानगी मिळाली की आपोआप त्याला अनेक आवश्यक असलेल्या परवानग्या मिळतात.
ही माहिती आहे धोक्यात
हे मालवेअर जीमेल, याहू मेल, मायक्रोसॉफ्ट आउटलुक, पेपल मोबाईल कॅश, अ‍ॅमेझॉन सेलर, उबर, नेट फ्लिक्स, अ‍ॅमेझॉन शॉपिंग या अ‍ॅप्सना टार्गेट करत आहे. या व्यतिरिक्त बर्‍याच बँकिंग अ‍ॅप्सचादेखील या लिस्ट मध्ये समावेश आहे. हे अ‍ॅप्स आयसीआयसीआयचे iMobile, एसबीआयचे योनो लाइट, आयडीबीआय बँकेचे Go Mobile+ आहेत. असे म्हटले जात आहे की, हे मालवेयर स्मार्टफोनमधील डेटा, पासवर्ड आणि क्रेडिट आणि डेबिट कार्ड डिटेल्स देखील चोरणारे आहेत.
यावर्षी बँकिंग ट्रोजन्स वेगाने वाढत आहे
अलीकडेच नेदरलँडच्या सायबर सिक्युरिटी फर्मकडे ThreatFabric या नावाच्या मालवेयरविषयी माहिती होती. त्यात असे सांगितले गेले होते की या मालवेअरच्या मदतीने हॅकर्स अँड्रॉइडच्या 337 मोबाइल अ‍ॅप्सना टार्गेट करीत आहेत, ज्यांनी ऑनलाइन फसवणूक केली आहे. या अ‍ॅप द्वारे ते क्रेडिट कार्ड आणि डेबिट कार्डशी संबंधित माहिती चोरत आहेत. या अहवालात म्हटले आहे की 2014 नंतर बँकिंग ट्रोजन मोठ्या प्रमाणात वाढले आहे. तथापि, 2019 मध्ये ही घट करण्यात आली. आता 2020 मध्ये पुन्हा एकदा वेगाने वाढ होत आहे.
वाचण्याचे उपाय काय आहे?
असे मालवेयर कसे टाळायचे, अशी कोणतीही माहिती अद्यापपर्यंत समोर आलेली नाही. परंतु, काही तज्ञ असे म्हणतात की लोकांनी अज्ञात स्त्रोतांकडून मोबाईल अ‍ॅप्स डाउनलोड करणे टाळले पाहिजे. कोणत्याही अ‍ॅपला आवश्यक परवानगी देण्यापूर्वी त्यांनी याची काळजी घ्यावी.
ब्रेकिंग बातम्या मोबाईलवर मिळवण्यासाठीआम्हाला 7972630753 या नंबरला WhatsApp करा आणि लिहा “Hello News”.