परभणी प्रतिनिधी । गजानन घुंबरे
छत्रपती शिवाजी महाराजांच्या ३९० व्या जयंतीनिमित्य संपूर्ण जिल्ह्यात उत्साहाचे वातावरण असून याप्रसंगी विविध कार्यक्रम व उपक्रमांचे आयोजन करण्यात आले आहे. पाथरी तालुक्यातील वाघाळा गावांमध्ये सोमवारी सकाळी रक्तदान शिबिराचे आयोजन करण्यात आले होते यामध्ये गावातील लहान ते मोठ्या वयोगटातील ७० शिवप्रेमींनी रक्तदान केले.
सार्वजनिक शिवजन्मोत्सव २०२० निमित्त पाथरी तालुक्यातील वाघाळा येथे तीन दिवसीय विविध कार्यक्रम व उपक्रमांचे आयोजन करण्यात आले आहे . सोमवार दि. १७ फेब्रुवारी रोजी पहिल्या दिवशी रक्तदान शिबिराचे आयोजन करण्यात आले होते .यावेळी गावातील विविध जाती ,धर्मातील शिवप्रेमींनी एकत्र येत रक्तदान केलं . रक्तदात्यांन मध्ये १८ ते ५० वर्ष वयोगटातील रक्तदात्यांनी रक्तदान केले. वाघाळा येथे मागील अनेक वर्षांपासून शिवजयंतीनिमित्त विविध उपक्रम राबवले जातात .त्यामध्ये प्रामुख्याने रक्तदान शिबिराचा समावेश करण्यात येतो. हुजूर साहेब रक्तपेढी नांदेड व सार्वजनिक शिवजन्मोत्सव समिती वाघाळा यांचा संयुक्त विद्यमाने मागील पाच वर्षापासुन सातत्याने हा उपक्रम राबवला जात आहे.
दिवसभरातील ताज्या बातम्या तुमच्या मोबाईलवर मोफत मिळवण्यासाठी ”Hello News” टाईप करून 8080944419 या नंबरवर Whatsapp करा.
