हॅलो महाराष्ट्र ऑनलाईन । देसी टेलिकॉम कंपनी BSNL नेहमीच आपल्या ग्राहकांसाठी स्वस्तात मस्त रिचार्ज प्लॅन ऑफर करत असते. इतर टेलिकॉम कंपन्यांच्या तुलनेत BSNL चे रिचार्ज स्वस्त आणि कमी पैशात असल्याने BSNL कडे सुद्धा मोठा ग्राहकवर्ग आहे. कंपनी येत्या ऑगस्टपर्यंत 4जी सेवा सुरु करणार आहे, तसेच नेटवर्क कनेक्टिव्हिटी सुधारण्यासाठी कंपनी नवीन टॉवर्सही बसवत आहे. एकीकडे हे सर्व चाललं असताना आता BSNL आपल्या ग्राहकांसाठी एक मोठी ऑफर (BSNL Offer) घेऊन आली आहे. या ऑफर अंतर्गत ग्राहकांना तब्बल ५ लाख रुपये जिंकण्याची संधी मिळत आहे. मात्र त्यासाठी पात्र ग्राहकांकडे २ मोबाईल रिचार्ज प्लॅन असणे आवश्यक आहे.
काय आहे ऑफर – BSNL Offer
याबाबत BSNL ने आपल्या x हँडलवरून पोस्ट केले आहे की जर यूजर्सनी या दोन योजनांसह त्यांच्या मोबाईल नंबरवर रिचार्ज केले तर त्यांना 5 लाख रुपयांचे बंपर बक्षीस जिंकण्याची (BSNL Offer) संधी आहे. यासाठी बीएसएनएलने हार्डी गेम्ससोबत पार्टनरशिप सुद्धा केली आहे. कंपनी वापरकर्त्यांना सोना जीतो स्पर्धेत सहभागी होण्यास सांगत आहे. मात्र त्यासाठी सदर बीएसएनएल ग्राहकाकडे 118 रुपयांचा आणि १५३ रुपयांचा रिचार्ज प्लॅन असायला हवा.
Turn your gameplay into gold on #HardyGames! Recharge with select #BSNL vouchers and start winning today.
— BSNL India (@BSNLCorporate) May 23, 2024
Download #BSNLSelfcareApp
Google Play: https://t.co/UU6d6koAYn
App Store: https://t.co/KunRjlIMp9#RechargeNow #DownloadNow pic.twitter.com/BVxaBm1qyc
बीएसएनएलचा 118 रुपयांचा प्लॅन-
BSNL च्या या प्रीपेड रिचार्ज प्लॅनमध्ये ग्राहकांना 20 दिवसांची व्हॅलिडिटी दिली जात आहे. या प्लॅनच्या माध्यमातून तुम्ही अनलिमिटेड व्हाईस कॉल करू शकता, अगदी देशभरातील कोणत्याही कानाकोपऱ्यात तुम्ही कोणालाला फोन लावू शकता. तसेच या प्रीपेड रिचार्ज प्लॅनमध्ये वापरकर्त्यांना 10GB हाय स्पीड डेटाचा लाभ मिळतोय. याशिवाय युजर्सना फ्री नॅशनल रोमिंग देखील देण्यात येत आहे.
बीएसएनएलचा १५३ रुपयांचा प्लॅन
BSNL च्या या रिचार्ज प्लॅनमध्ये युजर्सना २६ दिवसांची व्हॅलिडिटी दिली जात आहे. या प्रीपेड रिचार्ज प्लॅनमध्ये देशभरातील वापरकर्त्यांना मोफत कॉलिंगची सुविधा सुद्धा मिळतेय. इथेही तुम्ही कोणालाही अनलिमिटेड कॉल करू शकता. तसेच दररोज तुम्ही 1GB इंटरनेट डेटा आणि 100 फ्री एसएमएसचा लाभ घेऊ शकता.