नवी दिल्ली । कॉन्फेडरेशन ऑफ ऑल इंडिया ट्रेडर्स (CAIT) ने व्हॉट्सअ‍ॅपच्या नवीन प्रायव्हसी पॉलिसीला (WhatsApp Privacy Policy) केवळ उघडपणे विरोधच केलेला नाही तर त्याविरोधात सर्वोच्च न्यायालयात (Supreme Court) याचिका देखील दाखल केली. त्याचबरोबर व्हॉट्सअ‍ॅपवर त्वरित कारवाई करण्याची मागणी केंद्र सरकारकडून करण्यात आली. कॅटने पंतप्रधान नरेंद्र मोदी (PM Narendra Modi) आणि केंद्रीय माहिती व तंत्रज्ञान मंत्री रविशंकर प्रसाद (Ravi Shankar Prasad) यांचे कौतुक केले आणि असे म्हटले आहे की, केंद्राने आज व्हॉट्सअ‍ॅपला आपली प्रायव्हसी पॉलिसी मागे घेण्याचे निर्देश दिले आहेत. कोणीही भारताच्या कायद्याशी खेळू शकत नाही हे स्पष्ट आहे. देशातील नागरिकांच्या मूलभूत अधिकाराचे रक्षण करण्यापासून सरकार मागे हटणार नाही.
कॅटच्या सर्वोच्च न्यायालयात दाखल केलेल्या याचिकेवर लवकरच सुनावणी होणार आहे. कॅटचे राष्ट्रीय अध्यक्ष बी.सी. भारतीया आणि सरचिटणीस प्रवीण खंडेलवाल म्हणाले की, व्यापारी संघटनेने केलेल्या मागणीबद्दल केंद्राचे हे पाऊल कौतुकास्पद आहे. भारतीया आणि खंडेलवाल म्हणाले की, कॅट या विषयावर सर्वोच्च न्यायालयात आपली याचिका सुरू ठेवेल. खरं तर व्हॉट्सअ‍ॅप वरुन भारतीय युझर्सच्या डेटाचा गैरवापर (Data Misuse) केल्याबद्दल कॅटने फेसबुक (Facebook) वर ठपका ठेवला आहे. यामध्ये, डेटा प्रायव्हसी संदर्भात सर्वंकष पॉलिसी आखण्यासाठी सरकारला निर्देश देण्याची मागणीही या संघटनेने सर्वोच्च न्यायालयात केली आहे.
‘भारतीय युझर्सचा डेटा परदेशात विकला जात आहे’
भारतीया आणि खंडेलवाल म्हणाले की, हा केवळ व्हॉट्सअ‍ॅप किंवा फेसबुकने नागरिकांच्या मूलभूत हक्कांचा भंग करण्याचा विषय नाही तर भारतातील शेकडो अन्य समान प्लॅटफॉर्म आणि अ‍ॅप्लिकेशन्सशी संबंधित आहे. सर्व अ‍ॅप्लिकेशन्स आणि प्लॅटफॉर्म भारतीय युझर्सचा (Indian Users) डेटा संकलित करीत आहेत आणि त्याचा गैरवापर करीत आहेत. भारतीय युझर्सचा हा डेटा भारतात तसेच परदेशातही विकला जात आहे.
उद्योजकांच्या संघटनेनेही या मागण्या केंद्रातून केल्या आहेत
व्हॉट्सअ‍ॅपच्या नवीन प्रायव्हसी पॉलिसीला मुद्दा बनवण्याव्यतिरिक्त संघटनेनेही सरकारकडून आणखी काही मागण्या केल्या आहेत. कॅट असेही म्हणाले कि, त्याअंतर्गत व्हॉट्सअ‍ॅप आणि त्याची मूळ कंपनी फेसबुकने आतापर्यंत गोळा केलेल्या डेटा लोकेशनची (Data Location) माहिती मिळण्यासाठी रिक्वेस्ट केलेली आहे. यासह, या कंपन्यांनी युझर्सचा पर्सनल डेटा कसा संग्रहित करतात हे शोधण्याची मागणी केली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.