हॅलो महाराष्ट्र ऑनलाईन । दिल्लीच्या नव्या दारू धोरण भ्रष्टाचार चौकशी प्रकरणी CBI ने आणखी फास आवळले असून दिल्लीचे मुख्यमंत्री आणि आम आदमी पक्षाचे संयोजक अरविंद केजरीवाल यांना समन्स बजवण्यात आले आहेत. येत्या 16 एप्रिलला याप्रकरणी केजरीवाल याना चौकशीसाठी बोलवण्यात आलं असून आम आदमी पक्षासाठी हा मोठा धक्का मानला जात आहे. यापूर्वीच याप्रकरणी दिल्लीचे उपमुख्यमंत्री मनीष सिसोदिया यांना CBI ने अटक केली आहे.
CBI summons Delhi CM and AAP national convenor Arvind Kejriwal on April 16 to question him in the excise policy case. pic.twitter.com/jlStNKhU2Y
— ANI (@ANI) April 14, 2023
केजरीवाल याना सीबीआयने समन्स बजावल्यानंतर आम आदमी पक्षाचे नेते आणि राज्यसभा खासदार संजय सिंह यांनी ट्विट करत संताप व्यक्त केला आहे. हे अत्याचार नक्कीच संपतील. अरविंद केजरीवाल यांना सीबीआयने बोलावलेल्या समन्सबाबत मी संध्याकाळी पत्रकार परिषद घेणार आहे असं त्यांनी म्हंटल.
अत्याचार का अंत ज़रूर होगा।@ArvindKejriwal जी को CBI द्वारा समन किये जाने के मामले में शाम 6 बजे प्रेसवार्ता करूँगा।
— Sanjay Singh AAP (@SanjayAzadSln) April 14, 2023
दरम्यान, दिल्ली सरकारचे माजी शिक्षणमंत्री आणि केजरीवाल यांच्यानंतरचे आम आदमी पक्षाचे नंबर 2 क्रमांकाचे नेते मनीष सिसोदिया यांना सीबीआयने यापूर्वीच अबकारी धोरणाशी संबंधित भ्रष्टाचार प्रकरणात 26 फेब्रुवारी रोजी अटक केली होती. सध्या ते न्यायालयीन कोठडीत आहेत. त्यातच आता केजरीवाल यांचीही चौकशी करण्यात येणार असून आम आदमी पक्षाला हा मोठा झटका आहे. आगामी लोकसभा निवडणुकीसाठी विरोधकांची एकजूट पहायला मिळत असतानाच केजरीवाल याना सीबीआयने समन्स बजावल्याने आश्चर्य व्यक्त होत आहे.