हॅलो महाराष्ट्र ऑनलाइन | जन आशीर्वाद यात्रा काढा की कुठल्याही यात्रा काढा जनतेचे आशीर्वाद आम्हालाच आहे, असा टोला शिवसेना खासदार संजय राऊत यांनी लगावल्या नंतर भाजप प्रदेशाध्यक्ष चंद्रकांत पाटील यांनी आपल्या खास कोल्हापुरी शैलीत राऊतांना प्रत्युत्तर दिले आहे.
प्रसारमाध्यमांशी बोलताना चंद्रकांत पाटील म्हणाले, आरं बाबा, ज्याची तुला भीती नाही ते वारंवार कशाला बोलतो. तुझ्या दंडात ताकद किती आहे ते बघ रे, अशा शब्दांत पाटलांनी संजय राऊतांचा समाचार घेतला.
दरम्यान, मनसे-भाजप युतीला केंद्राने कोणताही रेड अलर्ट दिलेला नाही. मुळातच आमची युतीसाठी भेट नव्हतीच. एकमेकांना समजून घेणं, राज ठाकरेंची परप्रांतियांबाबतची भूमिका समजून घेण्यासाठी ही भेट होती, असं चंद्रकांत पाटील म्हणाले.