डॉक्टर युवतीशी लगट; 48 तासांत दोषारोपपत्र दाखल

औरंगाबाद – शासकीय कर्करोग रुग्णालयात दाखल एका महिलेवर निवासी डॉक्टर युवतीने उपचार केले. त्या महिलेचे निधन झाल्यानंतर तिचा पती 9 फेब्रुवारीपासून दररोज हॉस्पिटलमध्ये येऊन उपचार करणाऱ्या डॉक्टर सोबत लगट करण्याचा प्रयत्न करत होता. त्याच्या विरोधात डॉक्टर युवतीने 23 फेब्रुवारी रोजी केलेल्या तक्रारीनंतर गुन्हा नोंदवला होता.

या गुन्ह्याचा तपास 24 तासात पूर्ण करत 48 तासात न्यायालयात दोषारोपपत्र दाखल केल्याची माहिती वरिष्ठ पोलीस निरीक्षक अशोक गिरी यांनी दिली. सिटी चौक पोलिसांनी आरोपी कन्हैया वसंतराव टाक यास ताब्यात घेतले. या गुन्ह्याचा तपास पोलिस नाईक सरिता भोपळे यांच्याकडे दिला होता. त्यांनी तपास 24 तासांत पूर्ण केला.

ही कामगिरी वरिष्ठ निरीक्षक अशोक गिरी, हवालदार सय्यद शकील, अंमलदार अभिजीत गायकवाड यांच्या पथकाने केली.