नाशिक प्रतिनिधी | दोन दुचाकींच्या समोरासमोर झालेल्या धडकेत दोन्ही गाडीचालकांचा मृत्यू झाल्याची घटना नाशिक-पुणे महामार्गावर शिंदे गावाजावळ घडली. नितीन तुंगार (रा. शिंदे) आणि सत्येंद्र रामरतन प्रसाद (वय ३५, रा. ब्राह्मणवाडे) अशी मृत्यू झालेल्या चालकांची नावे आहेत.
सिव्हिल हॉस्पिटलमध्ये शवविच्छेदन केल्यानंतर या दोघांच्या मृतदेहावर त्यांच्या गावी अंत्यसंस्कार करण्यात आले. नितीन तुंगार हा त्याचा मित्र गणेश पाटील याला सोबत घेऊन दुचाकिवरून (एमएच १५ जीजे ९३७३) शिंदे जवळील कंपनीतील कामगारांना जेवणाचे डबे पोहच करुन परतत होता.
लोहिया कंपाउंडजवळ नितीनच्या दुचाकीला ब्राह्मणवाडेकडून आलेल्या दुचाकीने (एमएच १५ एफ एक्स ८००७) समोरासमोर धडक दिली. यात नितीन व गणेश यांच्यासह दुसऱ्या दुचाकीवरील चालक सत्येंद्र रामरतन प्रसाद आणि अरविंदकुमार गुप्ता हे चौघेही गंभीर जखमी झाले. या जखमींना टोल नाका येथील रुग्णवाहिकेतून सिन्नर फाटा येथील खासगी हॉस्पिटलमध्ये दाखल करण्यात आले. डोक्याला मारल्याने गंभीर जखमी झालेल्या नितीन अणि सत्येंद्र यांना सिव्हिल हॉस्पिटलमध्ये दाखल करण्यात आले. परंतु, दोघांचा मृत्यू झाला. उर्वरित दोन्ही जखमींवर वैद्यकीय उपचार सुरू आहेत.
