हॅलो महाराष्ट्र ऑनलाइन | आयपीएल २०२० च्या हंगामात सलग तीन पराभवांनंतर अखेर चेन्नई सुपर किंग्सची गाडी विजयी मार्गावर परतली. चेन्नईने किंग्स इलेव्हन पंजाबचा १० विकेट्सने पराभव करत आपला दुसरा विजय नोंदवला. चेन्नईच्या या विजयात शेन वॉटसन आणि फाफ डु प्लेसिस शिल्पकार राहिले. या दोघांनीही नाबाद १८१ धावांची नाबाद शानदार भागीदारी रचली. यात वॉटसनने ८३ आणि डु प्लेसिसने ८७ धावांचे योगदान दिले.
वॉटसनसठी ही खेळी अधिक खास ठरली. कारण तो गेल्या चार सामन्यात सपशेल अपयशी ठरला होता. त्याचे अपयश चेन्नई संघालाही दबावात टाकत होते. पण पंजाब विरुद्ध वॉटसनने ११ चौकार आणि ३ षटकारांसह ५३ चेंडूत नाबाद ८३ धावा करत स्वत:ला सिद्ध केले.
वॉटसनच्या या दमदार खेळीनंतर त्याचे एक ट्विट मोठ्या प्रमाणात व्हायरल होत आहे. हे ट्विट त्याने पंजाब विरुद्धच्या सामन्याआधी केले होते. यामध्ये त्याने म्हटले होते की ‘चेन्नईसाठी परिपूर्ण खेळ लवकरच होईल!!!’ अखेर त्याने म्हटल्याप्रमाणे रविवारी त्याने परिपूर्ण अशा खेळाचे प्रदर्शन केले.
The perfect game for @ChennaiIPL is coming!!! 💪🏻💪🏻💪🏻@ChennaiIPL #WhistlePodu #Yellove https://t.co/SkA5TpvGOS
— Shane Watson (@ShaneRWatson33) October 3, 2020
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘Hello News’