हॅलो महाराष्ट्र ऑनलाइन| भारतीय किचन हे आयुर्वेदिक औषधांची संपत्ती आहे असे बऱ्याच वेळा म्हटले जाते. कारण, भारतातील किचनमध्ये वापरल्या जाणाऱ्या मसाल्याचे पदार्थ अनेक आजारांवर रामबाण उपाय ठरतात. असाच एक मसाल्याचा पदार्थ म्हणजे हळद. हळदीचे कोणत्याही प्रकारे सेवन केले तरी तिचे अनेक गुणकारी फायदे शरीराला होतात. परंतु तुम्हाला हे माहित आहे का? हळद जर दुधामध्ये टाकून पिल्यास त्याचे एक नव्हे तर शेकडो फायदे होतात. तसेच अनेक आजारही बरे होतात.
सर्दी खोकला बरा होतो – हळदीचे दूध पिल्याने सर्दी खोकला पूर्णपणे बरा होऊन जातो घसा खवखवत असेल घसा दुखत असेल तर अशा प्रत्येक गोष्टीसाठी रामबाण उपाय म्हणून हळदीचे दूध प्यावे. तसेच कणखणीत जाणवत असेल आतून थकवा जाणवत असेल तरीदेखील हळदीचे दूध पिणे फायदेशीर ठरते.
चेहऱ्यावरील मुरूम जातात – हळदीचे दूध फक्त शरीरालाच नव्हे तर चेहऱ्यासाठी देखील अत्यंत फायदेशीर आहे. हळदीच्या गुणधर्मामुळे चेहऱ्यावरील मुरूम दूर होतात तसेच चेहऱ्यावर एक नवे तेज येते. ज्यामुळे तुमचा चेहरा खुलून दिसतो. तसेच चेहऱ्यावर असणारे काळे डाग देखील दूर होतात.
कर्करोग बरा होतो – हळदीत अँटीइंफ्लेमेटरी गुणधर्म असतो. ज्यामुळे कर्करोग होण्याचा धोका कमी होतो. पोटाच्या कर्करोगासाठी देखील हळदीचे दूध रामबाण उपाय ठरते.
रोगप्रतिकार शक्ती वाढते – रोगप्रतिकार शक्ती वाढवायची असेल तर रोज रात्री हळदीचे दूध पिणे सर्वात जास्त फायदेशीर ठरते. हळदीचे दूध पिल्यास हाडांची मजबुती होते तसेच, रोगप्रतिकारक शक्ती वाढत जाते.
झोपेची समस्या दूर होते – झोपेची समस्या असल्यास हळदीचे दूध प्यावे. यामुळे शांतपणे झोप लागण्यास मदत होते. तसेच झोपेसंबंधीच्या काही अडचणी असतात त्या देखील दूर होतात.