ताज्या मराठी बातम्यांसाठी आमचा ग्रुप जॉईन करा

WhatsApp Group Join Now

Google News Join Now

हॅलो महाराष्ट्र ऑनलाईन । EPFO कडून आपल्या सब्‍सक्रायबर्सना अनेक प्रकारच्या सुविधा दिल्या जात आहेत. EPFO च्या जवळपास सर्वच सेवा डिजिटल केल्या गेल्या आहेत. आता ग्राहकांना ऑनलाइन ई-नॉमिनेशनबरोबरच घरबसल्या ऑनलाइन नवीन UAN नंबर देखील तयार करता येईल. त्याचप्रमाणे, EPF अकाउंट बॅलन्स तपासणे आणि e-KYC देखील ऑनलाइन अपडेट करता येईल.

जर आपण नोकरी बदलली असेल तर पीएफ संबंधित काही महत्त्वाची माहिती समजून घेणे आपल्यासाठी महत्वाचे ठरेल. हे लक्षात घ्या कि, नोकरी बदलल्यानंतर PF चे पैसे नवीन कंपनीच्या पीएफ खात्यामध्ये ट्रान्सफर करावे लागतात. अन्यथा आपल्या पीएफ पासबुकमध्ये दोन वेगवेगळी खाती दाखवली जातील.

जर आपल्याला पीएफ खात्यातून मेडिकल किंवा इतर कोणत्याही महत्त्वाच्या कामासाठी पैसे काढायचे असतील तर आधी जुन्या कंपनीचे पीएफ खाते नवीन कंपनीत विलीन करावे लागेल. तसे न केल्यास अनेक अडचणी निर्माण होतील.

कर्मचारी भविष्य निर्वाह निधी संघटने कडून युझर्सच्या सोयीसाठी आपल्या सर्व सर्व्हिसेस ऑनलाईन करण्यात आलेल्या आहेत. विशेषत: कोरोनानंतर त्यामध्ये बरीच सुधारणा झाली आहे. EPFO स्वतः पूर्वीच्या कंपनीकडून सध्याच्या नियोक्त्याकडे पीएफचे पैसे ट्रान्सफर करण्याबाबत वेळोवेळी अपडेट जारी करत असते. नोकरदारांसाठीही EPFO ने एक सुविधा दिली आहे आहे. ज्यांतर्गत आता आपल्याला नोकरी बदलल्या नंतर आपला PF आधीच्या कंपनीतून सध्याच्या नियोक्त्याकडे ट्रान्सफर करता येईल.

पैसे ऑनलाइन ट्रान्सफर करण्यासाठी ‘या’ महत्त्वाच्या गोष्टी जाणून घ्या

EPF खाते ऑनलाइन ट्रान्सफर करण्यासाठी आपल्याला UAN नंबर पोर्टलवर जाऊन एक्टिव्हेट करावा लागेल. तसेच एक्टिव्हेशनसाठी वापरण्यात येणारा मोबाईल नंबरही एक्टिव्ह असावा. याशिवाय, कर्मचार्‍याचे बँक अकाउंट आणि IFSC कोड देखील UAN शी लिंक केले पाहिजे आणि कर्मचार्‍याचे e-KYC देखील नियोक्त्याने मंजूर केले पाहिजे.